Келтирилган фильмлардаги юлдузли роллар, суратга олиш ишлари ва фантастик саҳна кўринишлари харажатларни тўлиқ оқлади. Режиссёрлик иши эса китоб ихлосмандларининг кутганидан ҳам ортиқ бўлди. Китоб оламидаги ҳақиқий бeстселлерлардан кам бўлмаган фильмлар ҳақида гаплашамиз.
“Дивергент”
Гап фильмнинг охирги қисмлари ҳақида эмас, балки биринчиси ҳақида кетяпти. Кўплаб томошабинларнинг фильмнинг дастлабки қисмидан кўнгли тўлган. Актриса Вероника Рот шедевр образ яратишни уддалади, Нил Бёргер эса китоб ғоясини моҳирлик билан экранлаштира олди.
“Хотира кундалиги”
Ҳар қандай севги ҳикоясини ҳамма ўзи бошдан кечиргани маъқул. Аммо режиссёрнинг нуқтаи назари ҳам сизни кўп нарсаларга турлича қарашга мажбур қилиши мумкин. Мазкур фильм романтик бўлганлар учун тавсия қилинади.
“Гарри Поттер” франшизаси
Энг машҳур сеҳргар ҳақидаги фильмларни кўп сабабларга кўра, масалан, саундтрек туфайли ҳам шедевр асар деб аташ мумкин. Ахир бу куйни эшитган ҳар бир киши ажабтовур ҳолатга тушади. Аммо китобда бундай мусиқаларни фақатгина хаёлан эшитиш мумкин.
“Шарқий экспрессдаги қотиллик”
Мазкур фильмнинг оригиналлиги ҳақида баҳслашиш шарт эмас. Экшн саҳналарнинг кўплиги унинг яна бир ютуғи ҳисобланади. Бир-бирини таъқиб қилишлар ва отишмаларни китоб саҳифаларидан эшита олмайсиз. Аммо классик детектив ҳикоя билан танишишни истасангиз, албатта китобини ўқинг.
“Дюна”
Ушбу китоб асосида кўплаб фильмлар экранлаштирилган, аммо ҳеч бири оламшумул муваффақиятга эришмаган. Бироқ 2021 йилги фильм катта муваффақият қозонди. Албатта, фильм режиссёрининг биринчи манба билан пухта ишлагани таҳсинга лойиқ.
“Катта-кичик ёлғон”
Ҳозирда бу фильмни шубҳасиз ҳақиқий ҳит деб аташ мумкин. Баъзан у ҳатто китобини ҳам ортда қолдиради. Мисол учун, сериал муаллифлари эпизодик қаҳрамонларни асардан чиқариб ташлаб, сюжетни соддалаштирган ва уни янада ёрқинроқ қилган.
“Оппенгеймер”
Фильм биографик асарга асосланган. Аммо режиссёр образнинг тўлиқлигидан бир оз четга чиқиб, Оппенгеймерни атом бомбасини ихтиро қилган даҳога айлантиришга қарор қилади. Ахир Кристофер Ноланнинг олими оддий одам бўлолмайди.
“Қироличанинг юриши”
Ушбу фильм профессионал шахматчилар томонидан илиқ кутиб олинди. Аня Тейлор-Жойнинг ажойиб ижроси туфайли ҳам Скотт Франк фильмини томоша қилиш керак. Аммо воқеалар ривожини тўлиқ тушуниш учун китобини ўқиш ортиқчалик қилмайди.
Изоҳ (0)