Ким Кардашян
Фото ва видеоларда мукаммал кўринадиган Ким Кардашян псориаз касаллигидан азият чекади, деб ким ўйлабди? Бундан ташқари, кўпинча унинг юзида қизил доғлар пайдо бўлади. Уларни косметик ниқоблаш учун Ким юзи ва танасига қалин тонал кремни суртиши керак.
Кардашян шундай дейди: “Болалигимда онамнинг псориаз билан касалланганини кўрган бўлсам ҳам, у билан қандай курашишни билмасдим. Онамнинг сочлари ва танасида бор эди. У аҳволини енгиллаштириш учун қуёш ҳаммомига борганини эслайман. Аммо бу восита менга фойда бермади, балки ултрабинафша нурларидан доғлар янада қизариб кетди ва жуда қичишди. Мен онамнинг аутоиммун касаллигини юқтирган ягона фарзандман ва унинг борлигидан бахтиёрман”.
Ким мухлисларидан ўз муаммосини яшириб ўтирмайди ва ҳатто терисида доғларни кўрсатадиган макияжсиз суратларни баҳам кўради. Шифокорлар Кимга айтишларича, унинг ҳолатида псориаз касаллигининг кучайиши ҳиссий зўриқиш туфайли юзага келади, шунинг учун юлдуз ўз ҳис-туйғуларини назорат қилишни ўрганмоқда.
Дэниэл Редклифф
Ҳатто сеҳргарлар ҳам бу кубокдан қочиб қутула олмайди. Дунёга Гарри Поттер номи билан танилган актёр Дэниэл Редклифф болалигидан диспракция деб аталадиган кам учрайдиган касалликдан азият чекади. Бунда миянинг баъзи функцияларининг бузилиши натижасида одам турли хил мақсадли ҳаракатларни тўғри бажара олмайди ва ҳаракатни ёмон мувофиқлаштиришдан қийналади.
Диспракция туфайли Редклифф ҳеч қачон дафтарга чиройли ёза олмади, пойабзалининг боғичини боғлай олмади ва умуман мактабда ўқишда қийналарди. Бу касаллик турли шаклларда бўлади, Дэниэлники енгил. Кейинчалик оғир ҳолатларда, бу касаллик билан оғриган одамлар зинапояга чиқишда ва тўпни тепишда қийинчиликларга дуч келишади. Дэниэл унинг тақдирини айнан шу касаллик ҳал қилганини тан олди. Мактабдаги ёмон ўқиш туфайли у ўзини актёрликда синаб кўришга қарор қилганди.
Леди Гага
Қўшиқчида бириктирувчи тўқималарга таъсир қилувчи иммунитет тизими касаллиги бўлган волчанка бор. Леди Гага сурункали чарчоқ, мушакларнинг оғриғи ва спазмлари, ёноқларида тошмалардан азият чекади.
Хонанда бу ҳақда шундай дейди: “Ҳар биримизда турли ҳолат бор ва, албатта, биринчи навбатда шифокор билан маслаҳатлашиш керак. Бироқ мен сизга бир нечта маслаҳат бера оламан. Менинг танамда кучли спазмлар пайдо бўлганда инфрақизил сауна менга жуда ёрдам беради. Ушбу масала билан шуғулланадиган компаниялардан бирига сармоя киритдим. Баъзи сауналар катта қутига ўхшайди, баъзилари горизонтал, шунингдек, термал адёл кўринишидаги сауналар ҳам бор”.
Майкл Жей Фокс
“Келажакка қайтиб” юлдузи Паркинсон касаллиги ташхиси ҳақида 90 йилларнинг бошларида билиб қолди. Майкл биринчи марта кичкина бармоғи беихтиёр қимирлагани сабабли шифокорга борганида, унга максимал 10 йиллик фаол ҳаёт прогнози берилди. Кейин Майкл ушбу касалликни даволашда бор кучи ва қобилиятини ишга солиш учун карьерасидан танаффус олишга қарор қилди. У касаллик билан кураш ҳақида учта китоб ёзган ва Паркинсон касаллиги бўйича тадқиқотларга ҳомийлик қилувчи хайрия жамғармасига асос солган.
Зои Салдана
Зои Салдана аутоиммун тиреотид ёки Хашимото касаллигига чалинганини маълум қилди. Ушбу касалликда қалқонсимон без етарли миқдорда гормонлар ишлаб чиқармайди, бу эса суякларнинг калсийни йўқотишига олиб келади.
Зои касаллик ҳақида шундай деди: “Менинг иммун тизимим худди танада инфекция бордек ишлайди, шунинг учун антитолалар доимий равишда чиқарилади ва қалқонсимон безга салбий таъсир қилади. Хашимото тиреодити билан оғриганлар ўз диетасига жуда қаттиқ риоя қилишлари керак.
Актриса диетада, глютендан воз кечди ва шифокорлар унга ейишни тақиқлаган сут маҳсулотларининг ҳар қандай турини ҳам ратционидан чиқарди.
Билли Айлиш
Америкалик қўшиқчи камдан кам учрайдиган касаллик – Туретта синдроми борлигини маълум қилди ва буни аввалдан билган, фақатгина яшириб келган. Ушбу генетик касаллик марказий асаб тизимига таъсир қилади ва ташқи томондан ўзини беихтиёр ҳаракатлар ва асабийлик шаклида намоён қилади.
Туретта синдроми даволанмайди, терапия фақат унинг намоён бўлишини енгиллаштиради. Айлишнинг касали тиббий ёрдам талаб қилмайдиган енгил шаклга эга. Шунинг учун ҳам у дори воситаларини истеъмол қилмайди, балки беихтиёр ҳаракатларни бостирадиган махсус усулларни ўрганган.
Изоҳ (0)