Ижтимоий тармоқларда “1000КITОБ” лойиҳаси ҳақида турли фикрлар янграмоқда. Лойиҳанинг Telegram-каналида иш жараёни бир маромда давом этаётгани маълум қилинди.
Қайд этилишича, лойиҳа доирасида танланган 50 та китобдан барчасининг таржимаси тайёр. Китоблар бўйича экспертлар хулосаси олинган. Жами 26 та китоб таҳрир қилинган, шу билан бирга, 19 та китоб саҳифаланган.
“Ҳозирда китобларни чоп этиш учун тендер талаблари ишлаб чиқилган. Китоблар нашриётлардан тўлиқ тайёр ҳолда қабул қилиб олингач, Ёшлар ишлари агентлиги томонидан босма учун очиқ тендерга қўйилади”, дейилади хабарда.
Шунингдек, лойиҳада кимлар ишлаётгани хусусида ҳам ахборот берилди.
Маълум қилинишича, Ёшлар ишлари агентлиги ҳамда АОКАнинг 2023 йил 11 декабрдаги қўшма қарори билан Экспертлар кенгаши таркиби тасдиқланган.
Лойиҳада бундан ташқари бир қатор аъзолар фаолият юритмоқда. Жумладан:
- Иқтисодиёт, сиёсатшунослик, табиий фанлар, экология, сунъий интеллект каби турли йўналишлардан 30 дан ортиқ эксперт-мутахассис;
- 41 нафар таржимон;
- 28 нафар муҳаррир;
- 12 нафар мусаҳҳиҳ;
- 10 нафар саҳифаловчи ва муқова дизайнерлари.
Умумий ҳолда 120 дан ортиқ мутахассис ишлаяпти.
Бундан ташқари, “1000КITОБ” лойиҳаси контент-менежер ҳамда ташкилий-молиявий менежер лавозими учун номзодларни ишга таклиф қилади. Менежерларга бериладиган вазифалар, талаблар ва таклифлар хусусида лойиҳанинг ижтимоий тармоқдаги саҳифалари орқали танишиш мумкин.
Изоҳ (0)