Buyuk Britaniyaning Hansons auksionida Joan Rouling qalamiga mansub “Garri Potter va hikmatlar toshi” kitobining ilk nashri 14 ming dollarga sotildi. Bu haqda auksion rasmiy saytida xabar berildi.
Kitob 1997-yilda Londondagi eski tovarlar do‘konidan xarid qilingan. Shaxsini oshkor qilishni istamagan lot egasining so‘zlariga ko‘ra, ayol 30 yil avval umuman boshqa kitoblar — Agata Kristi, Doroti Li Sayers va Nayo Marsh muallifidagi asarlarni sotib olmoqchi bo‘lgan. So‘ng yerdagi savat ichida yotgan Joan Rouling asariga ko‘zi tushgan va aynan shu kitobni olishga qaror qilgan.
Ayol kitob bilan turli davlatlar, jumladan, Xitoy, Tayvan, Buyuk Britaniyada bo‘lgan. Hozirda u Italiyada yashamoqda.
1997-yilda Bloomsbury nashriyoti tomonidan chop etilgan “Garri Potter va hikmatlar toshi” romani boshqa nusxalardan farq qiladi. Mazkur kitob tahrirlanmagan sinov nashri. Masalan, kitobning birinchi betida muallif ismida xatolikka yo‘l qo‘yilgan.
Izoh (0)