Ҳар бир ёш актёр тезроқ бош ролни ўйнашни орзу қилади. Бироқ тажрибали актёрлар билишади: ҳатто иккинчи даражали қаҳрамонни ҳам шундай ўйнаш мумкинки, у томошабинлар меҳрини қозонади.
“Соҳодаги сўнгги кеча”: Аня Тейлор-Жой — Томасин Маккензи
Фильмнинг Элли исмли бош қаҳрамони моделер бўлишни орзу қилади ва Лондон мода коллежига ўқишга киради. Ётоқхонадаги муаммолар туфайли қиз кўчишга мажбур бўлади. У эски квартира хонасини ижарага олади, унда ҳар кеча ғайриоддий тушлар кўради. Уларда у 1960 йилларга қайтиб, гўзал Сендининг саргузаштларини томоша қилаётгандек туюлади.
Элли ролини актриса Томасин Маккензи, Сендини эса Аня Тейлор-Жой ижро этган. Иккала актриса ҳам ролини қойилмақом тарзда ижро этган, аммо шуни таъкидлаш керакки, Сенди образи айниқса ажойиб чиқади. Аня Тейлор-Жой ажойиб ижроси учун Ню-Мексикода энг яхши иккинчи пландаги актриса учун мукофот олади.
“Қаттиққўл хоним”: Эмили Блант — Энн Хетеуэй
Энн Хетеуэй мода журнали бош муҳаррири ёрдамчиси сифатида ишлайди. Аммо у билан бўлган ҳар бир саҳнада Эмили Блант томшабинлар диққатини ўзига қаратади. Эмили энг кўп тилга олинган қаҳрамонга айланади, у иштирокида GIF ва мемлар яратилади. Унинг жумлалари машҳур ибораларга айланади. Оғир кунни енгиб ўтиш учун ким ўзига “мен ишимни яхши кўраман, ишимни яхши кўраман, ишимни яхши кўраман” деб айтмаган ахир?
“Вампир билан интервью”: Кристен Данст — Том Круз ва Бред Питт
Фаолиятининг бошида жуда ёш Кирстен Данст ўша пайтда аллақачон супер юлдуз бўлган Том Круз ва Бред Питт билан бир фильмда ўйнаш бахтига муяссар бўлган. У нафақат ҳамкасбларига тенглаш олади, балки ажойиб истеъдодни ҳам намойиш этади.
Данст “Олтин глобус” мукофотига “Энг яхши иккинчи пландаги актриса” номинациясида номзод бўлган. Круиз ва Питт эса ҳеч қандай нуфузли мукофот ололмайди.
“Узуклар ҳукмдори”: Шон Астин — Элайжа Вуд
Фильм трилогиясининг бош қаҳрамонларидан бири Фродо бўлиб, унга ҳукмронлик узугини йўқ қилиш ишониб топширилган. Сем ҳар доим у билан бирга. Аммо унинг ёрдамисиз Беггинс ҳеч нарса қилолмасди.
“Оппоғой: гномлар қасоси”: Жулия Робертс — Лили Коллинз
Актриса Лили Коллинз учун Оппоғой роли карьерасидаги биринчи роли эди. Қиз бор маҳоратини ишга солади ва ижроси учун Теen CHoise Award номинациясини олади. Бироқ кўплаб томошабинлар хиёнаткор ўгай онани тасвирлаган Жулия Робертс фильмдаги барча актёрларни ортда қолдирганини таъкидлайди.
“Гарри Поттер”: Эмма Уотсон — Даниэль Редклифф
Китоб ва фильмларидаги барча шон-шараф чандиқли болага — Гарри Поттерга тегишли. У жуда кўп ижобий фазилатларга эга ва ҳақиқатан ҳам кўп нарсага эришади. Аммо Гермиона машҳур триода бўлмаганида, у ҳеч нарсага эришолмасди. У асосий қаҳрамон эди, у ҳамма нарсани бошқаларга қараганда кўпроқ билган. Мухлисларнинг таъкидлашича, у бош қаҳрамонга айланиши керак эди.
“Омадсиз аскарлар”: Том Круз — Бен Стиллер
Лес Гроссман ҳақли равишда кинодаги энг жирканч қаҳрамонлардан бири унвонига эга бўлиши мумкин. Ахир у студия раҳбари сифатида қўл остидагиларни қўрқитади ва ўрмонда адашиб қолган актёрларга раҳм қилмайди. Шунга қарамай, Лес фильмдаги энг таниқли қаҳрамонга айланади.
“Уолл-стрит бўриси”: Марго Робби — Леонардо Ди Каприо
Марго Робби Мартин Скорсезе фильмида бош ролни ўйнаган ҳолда орзу қилган ишига киришдан олдин ватани Австралияда таниқли телевидение актрисаси эди. У биржа брокери Жордан Белфортнинг (Леонардо Ди Каприо) ёш севгилиси ва кейинчалик рафиқаси ролини ўйнайди.
Бошқа кўплаб фильмларда бундай характерга енгил образ сифатида қаралган бўларди, аммо актриса кутилмаган бурилиш қила олди. У бошқа нарсалар қатори ҳақиқатни ташқаридан кузатган киши сифатида миллионернинг рафиқаси ролини қойилмақом тарзда ижро этади. Айнан шу фазилат сарказм ва гўзаллик билан уйғунлашиб, қаҳрамонни эсда қоларли актрисага айлантирди. Ҳар сафар Марго экранда пайдо бўлганида, томошабин Ди Каприога эмас, унга қарайди.
Изоҳ (0)