Ҳақиқатан ҳам яхши ёзилган китоб шунчалик ўзига жалб қиладики, баъзан нотўғри ҳисоб-китоблар ва номувофиқликларни сезмай қоламиз. Фақат иккинчи ёки учинчи ўқишдан кейингина асар муаллифига саволлар туғилиши мумкин. Аммо ҳар доим ҳам саволларга жавоб топиб бўлмайди.
Мория дарвозасидаги ёзув ва бургутларнинг ғалати ҳикояси
Толкиннинг машҳур достонида ўқувчиларни чалғитадиган бир неча жойлар мавжуд. Шундай қилиб, ерости шоҳлигига олиб борадиган Дурин дарвозаларида Мория ёзуви бор. Бироқ элфлар томонидан берилган бу ном Балрог ерларини забт этгунга қадар ишлатилмаган.
“Узуклар ҳукмдори”даги бургутлар
Фродо ва Сем ниҳоят тоғ этагида умидларини узганда, бургутлар ёрдамга келади — қушлар ҳоббитларни хавфсиз жойга олиб боради. Шу сабабли кўпчиликда бургутларнинг уларга илгарироқ ёрдам беришига нима халақит қилгани ҳақида ўринли савол туғилади. Ҳеч бўлмаганда, қушлар ёрдамида Туманли тоғларни кесиб ўтиш мумкин эди. Бу Фродо ва дўстларининг йўлини анча осонлаштирарди.
“Гарри Поттер”даги вақт чалкашлиги
Жоан Роулинг кўп йиллар давомида ёш сеҳргарнинг ҳаёти ҳақида бир қатор китоблар устида ишлаган, шунинг учун унинг асарларида мантиқий хатолар ва сюжет борасида камчиликлар топилиши ажабланарли эмас. Мисол учун, болаларнинг ҳеч бири факультетларга бўлиниш маросими қандай ўтишини билмайди. Агар Гарри ва Гермионанинг ҳолатини тушуниш мумкин бўлса, унда Рон барча тафсилотларни ота-онаси ва катта акаларидан билиши керак эди.
Ёзувчи баъзи саналарни ҳафтанинг маълум кунларига белгилайди ва уларнинг аксарияти ҳақиқий календарга тўғри келмайди. Бир неча йил давомида Ҳогварцда дарслар 2 сентябрь душанба куни бошланади.
Яна бир хатолик шу билан боғлиқ. 1993 йил 1 сентябрда тўлин ой эди, Гарри Ҳогварцга кетаётганда Азкабан соқчилари томонидан ҳужумга учрайди. Шунинг учун Люпин Гаррини дементорлардан қутқара олмасди. Чунки кейинчалик китобда айтилишича, ҳар тўлин ой пайтида профессор хавфсизлик нуқтайи назаридан уч кун одамлардан яширинишга мажбур бўлади.
Торнфильддан қочган Жейн Эйрнинг саргузаштлари
Жейн Эйр севгилиси уйланганини билиб, Торнфильдни тарк этганининг эртаси куни пулсиз қолади. Қиз иш топаман, деган умидда қишлоқни кезиб юради, аммо натижа бўлмайди. Охир-оқибат тунда бутунлай ҳолдан тойган ҳолда бегона уйнинг айвонига йиқилади.
Қизиғи, бор-йўғи бир-икки кун озиқ-овқат ва бошпанасиз қолган қиз қандай қилиб бунчалик ҳолдан тойганлик даражасига етади. Бир версияга кўра, Шарлотта Бронте шу тарзда ўтмишини ортда қолдириб, янги ҳаёт бошлайдиган қаҳрамоннинг қайта туғилишини кўрсатишга ҳаракат қилган.
“Андиша ва ғурур”да Уикҳемнинг ғалати қарори
Айёр ва ярамас жаноб Уикҳем Элизабет Беннетнинг ишончига осонгина кириб олади ва шаҳарнинг барча аҳолисини мағрур жаноб Дарсига қарши қўяди. У интригалар қилишда устаси фаранг ва доимо ўзига керак бўлган пулни олишга ҳаракат қилади.
Аммо бир нуқтада Уикҳем ўзини бутунлай аҳмоқона тутади ва ёш Лидия Беннет билан қочиб кетади. Қиз чиройли, лекин бой эмас. Бу ҳаракат Уикҳемни шарманда қилади ва унга ҳеч қандай фойда келтирмайди.
Шерлок Ҳолмснинг абсурд хатти-ҳаракати
“Бўш уй” ҳикоясида машҳур детектив кутилмаганда “тирилади”. Конан Дойл ўзининг энг машҳур қаҳрамонининг қайтишидан ҳаяжонланмайди.
Терговчининг таъкидлашича, у Мориарти тўдасига чек қўйиши, бунинг учун ҳамма уни ўлган деб ўйлаши керак эди. Шу билан бирга, ёвуз қаҳрамоннинг асосий шериги полковник Моран Шерлокнинг тириклигини биларди. Хуллас, Ҳолмс ҳақиқатни кимдан ва нима мақсадда яширгани унчалик аниқ эмас.
“Сумерки”даги вампирлар ранги
Майер дунёсидаги вампирлар кун давомида яширинмайди, аммо териси қуёш нурлари остида порлайди. Шунинг учун Калленлар оиласи доимо булутли бўлган Форкс шаҳрига кўчиб ўтади. Бироқ булутлар ва туманлар ултрабинафша нурланишини тўхтата олмайди, шунинг учун вампирлар ҳатто қоронғи об-ҳавода ҳам порлаши керак эди.
“Ҳаёт-мамот ўйинлари” финали
Баъзан ёзувчилар финал чиройли бўлиши учун қаҳрамонларини мантиқсиз хатти-ҳаракатга ундайди. Китоб трилогиясининг сўнгги саҳнасида Китнисс ўтлоқда ўйнаётган болаларига меҳр билан қарайди. Картина ажойиб, аммо бир оз ғалати.
Бутун сериал давомида қиз ёлғиз эди ва оила қуриш истагини билдирмайди. У ва Пит аллақачон оилавий ҳаётдан завқланишлари мумкин эди, аммо бу лаҳзани финалга олиб чиқиш унчалик ёпишмаган — бу биз аллақачон ўрганиб қолган қаҳрамоннинг характерига мос келмайди.
Жадднинг “Уй ҳайвонлари қабристони”даги тушунарсиз хатти-ҳаракати
Стивен Кингнинг романида Жадд Крандалл қабристондан фойдаланишнинг даҳшатли оқибатларини билади. Бундан ташқари, у жуда меҳрибон ва ғамхўр одамга ўхшайди.
Бироқ айнан Жадд бош қаҳрамонга ҳайвонни ҳаётга қайтариш учун мушукни қабристонга олиб боришни таклиф қилади, бу эса қўрқинчли воқеалар занжирини бошлайди. Кингнинг ўзи ҳеч қачон Крандаллнинг хатти-ҳаракати ёки унинг сабабларини тушунтирмаган.
Изоҳ (0)