Ҳаттоки ажойиб фильм ва сериал ижодкорлари ҳам баъзан жуда талабчан томошабинларда шубҳа уйғотадиган хатоларга йўл қўйиши мумкин. Масалан, Роузнинг қимматбаҳо маржонни океанга ташлаши каби саҳналар томошабинлар эътирозига ва кўплаб саволлар туғилишиг сабаб бўлади.
Роуз усталик билан кишанни узиб ташлайди
Роуз қўли қувурга кишанланган Жекни қутқармоқчи бўлган саҳнада илгари ҳеч қачон болта тутмаганлиги аниқ бўлган қиз биринчи уринишдаёқ занжирни узиб ташлайди.
Гарри ўзини худбинларча тутади
“Гарри Поттер ва ҳикматлар тоши” фильмида Гарри поездда сотувчининг кичик аравачасидан ширинликлар сотиб олади ва уларни янги дўсти Рон билан баҳам кўради. Бироқ баъзи мухлислар бу ҳаракатни мақтовга лойиқ деб ҳисобламайди. Интернет фойдаланувчиларининг таъкидлашича, у ҳамма ширинликларни сотиб олгани учун бошқа болаларга ҳеч нарса қолмаган ва Гарри бу ерда худбинлик қилган.
Айримларнинг фикрича, бола аравачадаги барча ширинликларни эмас, фақат ҳар хил туридан сотиб олган. Шуни унутмаслик керакки, Гарри ўша пайтда атиги 11 ёшда эди ва у биринчи марта ўз пулига эга бўлади. Ёш сеҳрли йигитнинг пулни нимага сарфлашни билмай қолиши ҳайратланарли эмас.
Дўмбоққина Барби бор, лекин Кен йўқ
Кино оламида турли хил Барбиларни топиш мумкин, жумладан, қўғирчоқнинг тўладан келган версияси ҳам бор. Бу ролни актриса Шерон Руни ижро этган. Аммо зийрак томошабинлар фильм номидан қатъи назар, семиз Кен йўқлигига эътибор беришган. Барча Кенлар — мушакдор спортчилар.
Айримлар эса бу фильмнинг Кен билан ёмон муносабатда бўлишнинг яна бир кўзга кўринган исботи сифатида қасддан қилинган бўлиши мумкинлигини таъкидлайди. Фильмда Барби бу — ҳамма нарса, лекин Кен — шунчаки Кен экани кўрсатилади.
“Қора марварид”ни чақирган лаънатланган медалён
“Кариб денгизи қароқчилари” фильмининг биринчи саҳнасида Элизабет сувда Уилл Тернерни кўриб қолади ва унинг олтин медалёнини олиб қўяди. Йиллар ўтиб, Элизабет сувга тушганда, медалён сирли равишда “Қора марварид”нинг лаънатланган жамоасини “чақиради”.
Бироқ бир неча йиллар илгари Уилл кема ҳалокатидан омон қолганида медалён нима учун кемани чақирмагани тушунарсиз. “Қора марварид” жамоаси медалён яқинида эканини билиши ва уни вайроналар орасидан қидиришлари керак эди.
Элементлар аралашмайди
“Элементар” анимацион фильми оламининг тузилишига кўра, турли элементлар аралашмайди. Асосий конфликт шундай қурилганки, қарама-қарши элемент бўлган қаҳрамонлар — сув ва олов кутилмаганда бир-бирига ошиқ бўлиб қолади. Лекин томошабинлар бир ғалати детални эътибордан четда қолдирмайди: уларнинг дунёси қандай яратилган? Қаҳрамонлар ёриб ўтадиган темир тўсиқ қандай ишлаб чиқарилган?
Она меҳри фақат Гарри Поттернигина қутқариб қолади
“Гарри Поттер ва ажал туҳфаси” фильмидан маълум бўлишича, Гарри гўдаклигида онасининг муҳаббати туфайли тирик қолган. Бу ҳолат китобларни ўқимаганлар учун кўплаб саволларни келтириб чиқарди: Волан-де-Морт олдин ҳеч қачон яқин одамлардан бирини ўлдирганми? Нега фақат Гарри тирик қолган?
Китоб мухлислари Гарри тирик қолишининг сабаби Северус Снейп Волан-де-Мортдан Лили Поттерга раҳм қилишини сўрагани билан боғлиқ деб тушунтиради. Гаррининг онасига танлаш ҳуқуқи берилган: тирик қолиш ёки ўлиш. Китобда бу воқеа батафсил ёритилган, аммо фильмда тушунарсиз бўлиб қолган.
Қаҳрамонлар кўзининг ранги ёшига қараб ўзгариб туради
“Мамма Миа!” мусиқий фильмининг давомида Мерил Стрип қаҳрамони Сем, Билл ва Гарри билан учрашган ёз ҳақида ҳикоя қилади. Фильмнинг давомида асл нусхадаги кўплаб тафсилотларни ўзгартириб, икки фильм ўртасида бир қатор номувофиқликларни юзага келтирди.
Мисол учун, баъзи қаҳрамонларнинг ёшлиги ва қариганида эътиборсиз қолдириб бўлмайдиган фарқ бор. 1979 йилда Донна жигарранг кўзли, Рози эса мовийкўз эди. Бироқ йиллар ўтиб Доннанинг кўзлари кўк, Розиники эса бирдан жигарранг бўлиб қолади.
Роуз “Уммон қалби”ни океанга ташлайди
“Титаник” фильмида кекса Роуз ўзига азиз бўлган қимматбаҳо маржонини сувга ташлайди. У маржонни оиласига мерос сифатида қолдириши ёки хайрия қилиши мумкин эди, аммо у сувга ташлашни афзал кўради.
Фойдаланувчилардан баъзилари Роузнинг бу ҳаракатини танқид қилади: “Бувим “Титаник” фильмини айнан шу сабабли ёқтирмас эди. Кимдир бу фильм ҳақида гапирса, у доимо Роуз маржонни невараларига совға сифатида бериши кераклиги ҳақида таъкидларди”.
Рейнира жуда оддий кийинади
“Аждаҳо уйи” фильмида Алисентага нисбатан Рейнира жуда содда ва оддий кийинади. Гўё у қиролнинг қизи ва Темир тахтнинг вориси эмасдек деган савол туғилади.
Балки бу сериалда Рейнира Таргарен ва Алисента Хайтауэр мураккаб сиёсий ва ижтимоий динамикага эга бўлган қаҳрамонлар бўлгани учундир. Қаҳрамонларнинг костюм дизайнига уларнинг роллари, шахсияти ва ижтимоий мавқейи таъсир қилиши мумкин. Рейниранинг кийимлари унинг асл табиатини акс эттиради, Алисентанинг либослари эса унинг бойлик истагини яққол кўрсатади.
Изоҳ (0)