АҚШдаги авиакомпаниялар кучли қор бўрони туфайли 1300 дан ортиқ рейсни бекор қилди.
Бу ҳақда Reuters агентлиги хабар бермоқда.
Парвозларни кузатиш бўйича FlightAware веб-сайти маълумотларига кўра, жами 1306 та рейс бекор қилинган ва 414 та рейс кечиктирилган.
American Southwest Airlines авиакомпанияси 264 та рейсни бекор қилди, бу авиаташувчилар орасида энг юқори кўрсаткичдир.
Иккинчи ўриндан 176 та рейсни бекор қилган American Airlines авиакомпанияси жой олди.
27 декабрь куни Лос Анжелес аэропортида иккита самолёт тўқнашиб кетишига бир бахя қолгани ҳақида хабар берилганди.
Key Lime Air (KLM) компаниясининг Embraer Э135 чартер самолёти Вашингтон университетининг эркаклар баскетбол жамоасини олиб кетаётган эди. Самолёт аэропортга қўниб, учиш-қўниш йўлаги бўйлаб ҳаракатланаётганда Атлантага тижорий рейс билан учаётган Delta Airlines лайнери билан тўқнашиб кетишига бир бахя қолди.
Маълум қилинишича, Embraer E135 самолётига учиш-қўниш йўлагини кесиб ўтмаслик ҳақида кўрсатма берилган, бироқ у белгиланган жойда тўхтамаган.
Изоҳ (0)