Сурияда “Ҳаят Таҳрир аш-Шам” исёнчи кучлари Хомсга етиб борса, Ливаннинг “Ҳизбуллоҳ” ҳаракати мамлакатдаги тўқнашувга қўшилади. Бу ҳақда ҳаракат вакили Маҳмуд Комати маълум қилди.
“Суриядаги можарога киришиш эҳтимоли ҳақиқат, биз буни баҳолаяпмиз, ҳозирча қарор қабул қилингани йўқ, чунки Исроил қўшинларимизнинг бир қисмининг Сурияда ҳаракатланишидан фойдаланиши хавфи бор”, деди “Ҳизбуллоҳ” вакили.
Унинг таъкидлашича, “агар мухолифат Хомсга етиб борса, Ливан 2017 йилдагидек мамлакат армияси ёрдамида уларга қарши курашади”.
Комати расмий Дамашқ қудрати қуламаслигига ишонч билдирди, унинг қўшимча қилишича, “Россия, Эрон, Ливан ва Ироқ Сурияни террорчилар қўлида қолдирмайди”. Расмийнинг сўзларига кўра, “Американинг Яқин Шарқ бўйича режаси Сурияда амалга оширилмоқда” ва унинг мақсади “қаршилик ўқини синдириш” ҳамда Эронни ўраб олишдир.
“Ҳаят Таҳрир аш-Шам” ташкилоти Суриянинг қуролли мухолифати деб аталмиш бир қатор қуролли тузилмалар билан биргаликда 29 ноябрь куни Идлиб шимолидан Ҳалаб ва Алеппо шаҳарлари томон ҳаракатланиб, кенг кўламли операция бошлади. 30 ноябрь куни Суриянинг иккинчи йирик шаҳри ва унинг атрофидаги ҳудудлар, жумладан, халқаро аэропорт ва Кувейрис ҳарбий аэродроми исёнчилар назоратига ўтди.
Ҳалабнинг исёнчилар томонидан тўлиқ босиб олиниши 2011 йилда Сурияда инқироз бошланганидан бери биринчи марта содир бўлди. 2016 йил охиригача қуролли мухолифат шаҳарнинг фақат шарқий қисмини назорат қилган ва Россия Аэрокосмик кучлари кўмагида Сурия армияси томонидан у ердан чиқарилган.
Изоҳ (0)