Россиянинг Екатеринбург шаҳри “Кольцово” аэропортида Урал Аирлинес компанияси самолёти одамни босиб кетди. Бу ҳақда Ural Mash хабар берди.
Фавқулодда ҳолат аэропорт техниги самолёт ҳавога кўтарилишидан олдин унинг шассисини текшираётганда содир бўлган. Техник самолёт ҳолатини текшираётганда, Екатеринбург—Бишкек рейси учувчиси парвозга рухсат сигналини кутмай, ҳаракатлана бошлаган. Оқибатда эркак самолёт ғилдираклари остида қолган.
Таъкидланишича, жабрланувчи тирик ва суяклари синган ҳолда шифохонага етказилган. Самолётнинг бутун экипажи ишдан четлатилган. Орадан уч соат ўтгач, йўналиш бўйлаб яна бир самолёт ҳавога кўтарилган.
Изоҳ (0)