AQSHdagi aviakompaniyalar kuchli qor bo‘roni tufayli 1300 dan ortiq reysni bekor qildi.
Bu haqda Reuters agentligi xabar bermoqda.
Parvozlarni kuzatish bo‘yicha FlightAware veb-sayti maʼlumotlariga ko‘ra, jami 1306 ta reys bekor qilingan va 414 ta reys kechiktirilgan.
American Southwest Airlines aviakompaniyasi 264 ta reysni bekor qildi, bu aviatashuvchilar orasida eng yuqori ko‘rsatkichdir.
Ikkinchi o‘rindan 176 ta reysni bekor qilgan American Airlines aviakompaniyasi joy oldi.
27-dekabr kuni Los Anjeles aeroportida ikkita samolyot to‘qnashib ketishiga bir baxya qolgani haqida xabar berilgandi.
Key Lime Air (KLM) kompaniyasining Embraer E135 charter samolyoti Vashington universitetining erkaklar basketbol jamoasini olib ketayotgan edi. Samolyot aeroportga qo‘nib, uchish-qo‘nish yo‘lagi bo‘ylab harakatlanayotganda Atlantaga tijoriy reys bilan uchayotgan Delta Airlines layneri bilan to‘qnashib ketishiga bir baxya qoldi.
Ma’lum qilinishicha, Embraer E135 samolyotiga uchish-qo‘nish yo‘lagini kesib o‘tmaslik haqida ko‘rsatma berilgan, biroq u belgilangan joyda to‘xtamagan.
Izoh (0)