Ҳозирги кунда Зомин аэропорти йўловчиларга хизмат кўрсатиши тўхтатилиб турибди, деб хабар бермоқда “Ўзгидромет”.
Маълум қилинишича, мазкур аэропортда катта авиабортларни қабул қилиш бўйича иккинчи босқич таъмирлаш ва қайта жиҳозлаш ишлари амалга оширилмоқда. Шу билан бирга, метеорологик қурилмаларни ҳам модернизация қилиш ишлари амалга оширилмоқда.
“Зомин аэропортида юқорида таъкидлаб ўтилган ишлар якунланиши ва аэропорт йўловчиларни яна қабул қилишни бошлаши ҳақида хабар берамиз”, дейилади хабарда.
Жиззах вилоятида Зомин аэропорти 2023 йилнинг сентябрида фойдаланишга топширилган. Илк парвозни Зомин аэропортида ЛЕТ Л-410 самолёти бошлаб берди. Чехияда ишлаб чиқарилган ЛЕТ Л-410 самолёти 19 нафар йўловчини ташиш қувватига эга. Парвоз вақти 35 дақиқани ташкил этади.
Ўша куни Uzbekistan Airways авиакомпаниясига тегишли Pilatus PC-24 бизнес-жети самолёти ҳам Зомин аэропортига учиб келди.
Изоҳ (0)