Япониядаги Янги Титосе аэропортида кутиш жойидаги дўконлардан бирида 17 август куни ходимлар ишлатган қайчи ғойиб бўлиши натижасида 36 та рейс бекор қилинган, яна 201 таси кечиктирилган.
CNN маълумотларига кўра, аэропорт маъмурияти қайчи эҳтимолий террорчи томонидан ўғирланган ва самолёт бортида қурол сифатида ишлатилиши мумкин деб тахмин қилган. Хавфсизлик ходимлари икки соат давомида қидирув ишлари олиб борган. Баъзи йўловчилар қайта хавфсизлик текширувидан ўтказилган.
Йўловчилар орасида япониялик 9мм Парабеллум Буллет рок гуруҳи аъзолари ҳам бўлган. Аэропортдаги кечикишлар туфайли улар Хоккайдода ҳар йили ўтказиладиган Рисинг Сун мусиқа фестивалида чиқишларини ўтказиб юборган.
Қайчи фақат эртаси куни, 18 август куни эрталаб топилган, деб ёзади Никкан Sports газетаси.
Уларни ўша дўконда унинг ходими топиб олган.
Изоҳ (0)