Польша президенти Анжей Дуданинг самолёти 3 август куни ҳарбий аэродромга қўнишга тўрт марта уринди, аммо бўрон туфайли муваффақиятсизликка учради. Бу ҳақда RMF FM хабар бермоқда.
Бортида президент ўтирган самолёт Гдиния шаҳридаги Babi Doli аэродромига қўниши керак эди, бироқ минтақада бўрон кўтарилиб, маҳаллий аэропорт бир нечта самолётларни қабул қила олмади. Давлат раҳбарининг самолёти тўрт марта қўнишга уринган, аммо муваффақиятсизликка учраган ва Варшавага қайтган.
Дуда Гдинияда Денгиз операциялари марказига ташриф буюриб, у ерда Болтиқ денгизидаги ҳозирги вазиятни, шу жумладан, Россия ҳарбий-денгиз кучларининг машғулотларини баҳолаши режалаштирилган эди.
Польша Миллий хавфсизлик бюроси раҳбари Яцек Сивера об-ҳаво шароити туфайли Дуданинг ташрифи бекор қилинганини тасдиқлади. Учрашув 4 август, жума кунига кўчирилганди.
Изоҳ (0)