Яманнинг “Ансор Аллоҳ” ҳусийлар ҳаракати Исроил объектларига ракета ҳужуми уюштирди. Ҳужумнинг асосий нишони Тель Авивдаги Бен-Гурион аэропорти бўлди. Бу ҳақда ҳаракат расмий вакили Яҳё Сария маълум қилди.
Яман қуролли кучлари ракета қўшинлари босиб олинган Яффо ҳудудидаги Бен-Гурион аэропортига қарши “Фаластин-2” русумли гипертовушли баллистик ракета ёрдамида ҳарбий операция ўтказди, деб хабар берилди ҳаракат вакилининг Telegram каналида.
Яҳё Сария матбуот хизмати маълумотига кўра, ракета нишонга етиб борган ва аэропорт фаолиятига зарар етказган.
Бундан олдин Исроил Мудофаа армияси (САХАЛ) Яман томонидан ракета учирилгани ҳақида хабар берган эди. САХАЛ матбуот хизмати маълумотига кўра, ҳаво объекти уриб туширилган.
Ҳусийлар, шунингдек, Исроил портларидан бирига йўл олган Санта Урсула ҳаво кемасига дронлар ёрдамида зарба берганини маълум қилган.
Ҳарбий-ҳаво кучлари Сокотра оролининг шарқида, Арабистон денгизида Санта Урсула кемасига қарши дронлар ёрдамида операция ўтказди. Кемага эгалик қилувчи компания босиб олинган Фаластин портларига киришни тақиқлаш тўғрисидаги қарорни бузгани учун ҳужум нишонига айланди, дейилади баёнотда.
Бир кун аввал Исроил армияси Яман пойтахтидаги халқаро аэропортга ҳаво ҳужумларини амалга оширган эди.
Авиазарбалар оқибатида 3 киши ҳалок бўлган, уларнинг икки нафари аэропорт ходимлари, ярадорлардан бири эса БМТнинг хусусий самолёти экипажи аъзоси бўлган. Ҳодиса вақтида аэропортдаги бир нечта самолётга зарар етган. Al-Mayadeen телеканалининг хабар беришича, Санаа аэропортидаги бошқарув минораси вайрон қилинган. Қатор ОАВ хабарларига кўра, Исроил ҳарбий-ҳаво кучлари Яманнинг Ходейда порт шаҳрига ҳам ҳужум қилган.
Ҳаво ҳужумлари Ямандаги ҳусий етакчиси Абдул Малик ал-Хутийнинг телевидение орқали чиқиши чоғида амалга оширилган.
Изоҳ (0)