Янги йил арафасида “Уйда ёлғиз” фильмини оилавий томоша қилиш анъанага айланиб қолган. Лойиҳа бутун дунё бўйлаб миллионлаб томошабинлар қалбидан жой олган. Аммо фильмни суратга олиш жараёнларида актёр ва режиссёрлар ўртасида турли баҳс ва мунозаралар ҳам бўлиб ўтган.
“Уйда ёлғиз” фильмининг биринчи қисми қисқа фурсат ичида катта муваффақият қозонди ва ҳар бир актёр ўз навбатида лойиҳадан кўрилган даромаддан ўз улушини олишни истар эди. Ўғри Марвинни ижро этган 66 ёшли актёр Дэниел Стерн меҳнатига яраша гонорар пулини олиш учун қатъиятли ва талабчан бўлишга мажбур бўлди.
Гап шундаки, фильмнинг иккинчи қисмида суратга тушиш учун Дэниелга аввалгисидан икки карра кам гонорар таклиф қилинган. Актёрнинг ҳамкасблари эса бир неча баробар кўпроқ миқдорда даромад олиши маълум бўлган эди.
Масалан, Марвиннинг шериги Гарри образини гавдалантирган Жо Пеши билан икки миллион доллар, бош қаҳрамон Маколей Калкин билан эса беш миллион долларлик шартнома имзоланган. Унга кўра, Калкинга касса тушумларидан 5 фоиз даромад ҳам берилиши кўзда тутилган эди. Дэниел Стернга эса бундан 4 баробар кам — 1 миллион доллар гонорар таклифи берилган.
Менсиз улар фильмни суратга олиш ишларини бошламаслигини билардим, лекин ўзимга бўлган ишончим паст эди. Биринчи фильмдаги кастингда деярли муваффақиятсизликка учраганим учун бир оз қўрқув бор эди. Фильмда суратга тушиш менга ёққани ва очкўз бўлиб кўринмаслик учун аввалига кўпроқ гонорар талаб этишдан уялдим, — дейди Стерн.
Натижада, актёр шериги Жо Пеши билан деярли бир хил маош олишга муваффақ бўлди.
Изоҳ (0)