Украина Жаҳон банкининг “Ўсиш учун асос” дастури доирасида 1 миллиард доллар олди.
Бу ҳақда Украина бош вазири Денис Шмигал маълум қилди.
Молия вазирлиги матбуот хизмати хабарига кўра, молиялаштириш Украинани зарур кредит ёрдами (АDVАNCE Ukraine) билан таъминлаш мақсадида Trast фонди доирасида Япония ҳукумати томонидан кафолатланган 567 миллион доллар ва Буюк Британия ҳукумати томонидан кафолатланган 483 миллион доллардан иборат.
"Йиғилган маблағлар иқтисодий ривожланиш салоҳиятини ошириш ва Украина давлат бюджетининг устувор ижтимоий-гуманитар харажатларини молиялаштиришга йўналтирилади", деб таъкидлади Украина молия вазири Сергей Марченко.
Аввалроқ Швейцария Украинага қўшимча 50 миллион доллар миқдорида ёрдам бериши маълум қилинганди.
Умуман олганда, уруш бошланган 2022 йилдан бери Швейцария Украинага 500 миллион доллардан ортиқ ёрдам ажратган.
The Economist нашри эса Украина Россияга қарши иқтисодий урушда ютаётганини маълум қилган.
Украина Марказий банки 2024 йилда ялпи ички маҳсулотнинг 4 фоизга, 2025 йилда эса 4,3 фоизга ўсишини прогноз қилмоқда. Валюта барқарор бўлиб, фоиз ставкалари 13,5 фоиз даражасида сўнгги 30 ойдаги энг паст кўрсаткичларга яқин ҳолатда қолмоқда, дея хабар берган The Economist.
Изоҳ (0)