Украина Жаҳон банки орқали Япония ва Буюк Британиядан жами 1,5 млрд доллар кредит олди

Украина Молия вазирлигининг маълум қилишича, мамлакат Жаҳон банкидан жами 1,5 миллиард доллар кредит олган. Япония 984 миллион доллар, Буюк Британия 515 миллион доллар берган.

Молия вазирлигининг хабар беришича, Украина давлат бюджетига 1,4 миллиард долларга яқин маблағ тушди. Қолган 99,54 миллион доллар эса кредит мажбуриятларига хизмат кўрсатиш харажатларини камайтириш учун фоизларни капиталлаштиришга йўналтирилди, дейилади вазирлик баёнотида.

Мазкур лойиҳа Украинадаги ислоҳотларни қўллаб-қувватлашга қаратилган. Маблағлар давлат бюджетининг умумий жамғармасига юкланган вазифалар бажарилгандан сўнг бир траншда ўтказилади. Ислоҳотларнинг асосий йўналишлари қаторида: корпоратив бошқарувни такомиллаштириш, молия секторини мустаҳкамлаш, электрон харидлар тизимида мижозларнинг шаффофлигини таъминлаш кўрсатилган.

27 март куни Украинага 1,5 миллиард доллар ўтказиш Жаҳон банки директорлар кенгаши томонидан маъқулланган эди.