Украина Peace лойиҳаси доирасида Жаҳон банкидан яна 4,8 миллиард доллар олади. Бу ҳақда Украина бош вазири Денис Шмигал маълум қилди.
“Биз ушбу ёрдамни молиялаштириб, мамлакатимиз ва халқимизга зарурий ёрдам кўрсатаётган Қўшма Штатлар ва ривожланиш бўйича ҳамкорлардан жуда миннатдормиз”, дея таъкидлаган у.
DPA агентлигининг қайд этишича, Россия-Украина уруши бошланганидан бери Киев фақат бюджет харажатлари учун иттифоқчиларидан 100 миллиард доллардан ортиқ маблағ олган. Пулларнинг салмоқли қисми кредитлар кўринишида тақдим этилган.
Европа иттифоқи давлатлари АҚШ ёрдамни камайтирса, Киевни қўллаб-қувватлашга тайёр
Европа иттифоқининг энг йирик иқтисодга эга давлатлари, хусусан, Германия, Франция, Италия ва Испания, шунингдек, ЕИга аъзо бўлмаган Буюк Британия Украинага ҳарбий ва молиявий ёрдам беришга тайёрлигини билдирган.
“Мен АҚШнинг Киевни қўллаб-қувватлашдаги иштирокини камайтириш эҳтимоли муносабати билан ЕИнинг энг йирик мамлакатлари Украинага ҳарбий ва молиявий ёрдам юкини ўз зиммасига олиш қарорини ҳурмат билан қайд этаман”, дейди Польша ТИВ раҳбари Радослав Сикорский.
Варшавада бўлиб ўтган ушрашувда давлатлар Дональд Трамп Оқ уйга қайтганидан кейин ЕИ ва АҚШ ўртасидаги муносабатларни ривожлантириш ҳақида фикр алмашган.
Аввалроқ Жаҳон банки Украинага 750 миллион доллар миқдорида янги ёрдам пакетини эълон қилган эди. Шмигалга кўра, маблағлар Европа иттифоқига қўшилиш учун зарур бўлган институционал ислоҳотларни қўллаб-қувватлашга қаратилган “Соғлом фискал бошқарув орқали тикланишни қўллаб-қувватлаш” лойиҳаси доирасида тақдим этилади.
Ушбу маблағнинг бир қисми Япония ҳукумати томонидан қўллаб-қувватланадиган Адванcе Ukraine жамғармасидан ажратилади
Изоҳ (0)