Россия армияси 20 декабрь куни эрталаб россиялик ҳарбийлар Киевга баллистик ракета билан ҳужум уюштирди. Украина расмийларига кўра, ҳужум оқибатида бир киши ҳалок бўлган, камида 10 киши яраланган.
Киев ҳарбий маъмурияти ва Киев мери Виталий Кличко жароҳатланган камида 10 кишидан олти нафари касалхонага ётқизилганини маълум қилди. Украина Ҳарбий ҳаво кучлари маълумотларига кўра, Россия эрталаб соат еттида Киевга бешта “Искандер-М” баллистик ракетасини учирган. Украина ҳарбийларига кўра, барча ракеталар уриб туширилган.
Киевнинг Голосеевский, Днепровский, Соломенский ва Шевченковский туманларига ракета парчалари тушган.
“Голосеевский туманида икки киши жароҳатланган, иссиқлик трассаси шикастланган, бир нечта автомобиль ёниб кетган”, деб хабар берди Киев мери Виталий Кличко.
Киев маъмуриятининг маълум қилишича, 630 та турар жой биноси, 16 та шифохона, 17 та мактаб ва 13 та болалар боғчаси иссиқлик трассасининг шикастланиши сабабли иссиқлик таъминотисиз қолган.
Соломенский ва Шевченковский туманларида ёнғин содир бўлган.
-GAKk9YUR.jpg)
Ҳужум Киевдаги Николай черковига ҳам зарар етказган. Дронлардан бирининг вайроналари Деснянский туманидаги нотурар жой ҳудудига қулаган.
Россия Мудофаа вазирлиги Киевга берилган зарбаларни Украина Қуролли Кучларининг 18 декабрь куни Ростов вилоятидаги Каменский комбинатига ATACMS ва Storm Shadow ракеталари билан уюштирган ҳужумига жавоб деб атади (Украина томони бу баёнотга изоҳ бермади).
Қайд этилишича, 20 декабрь куни Россия ҳужумининг нишони Киевдаги “Луч” конструкторлик бюроси ва Украина хавфсизлик хизмати қўмондонлик пункти бўлган.
-g17r18NW.jpg)
Россия Мудофаа вазирлиги маълумотларига кўра, барча мақсадларга эришилди.
Изоҳ (0)