Актёрларнинг бўйи уларга турли хил қаҳрамонларни — суперқаҳрамонлардан тортиб тарихий шахсларгача гавдалантиришга ёрдам бериб, образни яратишда муҳим рол ўйнаши мумкин.
Бен Аффлек (192 см)
Тўққизинчи ўринда Голливуднинг энг кўп маош олувчи актёрларидан бири — Бен Аффлек сценарий муаллифи, продюсер ва режиссёр сифатида муваффақият қозонган. У ўзининг биринчи “Оскар”ини Метт Деймон билан биргаликда ёзган “Заковатли Уилл Ҳантинг” фильми сценарийси учун олди. Актёрлик фаолиятида Бен жуда хилма-хил ролларни ўйнаган: ҳарбийлар, оила бошлиқлари ва ҳатто Бетменни ҳам.
Лиам Нисон (193 см)
72 ёшли актёр турли жанрларда фаол рол ижро этишда давом этмоқда. Аммо Лиам Нисоннинг энг машҳур роли Стивен Спилбергнинг “Шиндлер рўйхати” драмасидаги Оскар Шиндлердир. Ғалабадан сўнг актёр фильмографиясини “Нью Йорк тўдалари”, “Ҳақиқий севги”, “Юлдузлар жанги: 1-қисм — Яширин таҳдид” каби ёрқин фильмлар билан тўлдирди.
Жейсон Момоа (193 см)
Ёрқин ташқи кўринишга эга бўлган актёр кўпинча қўпол қаҳрамонларни ижро этади. Жейсон Момоанинг энг эсда қоларли образлари — “Тахтлар ўйини” сериалидаги шафқатсиз кхал Дрого, “Аквамен” фильмидаги бош қаҳрамон.
Дуэйн Жонсон (196 см)
Голливуднинг бу улкан актёри, оиласидаги бошқа эркаклар сингари ҳаётини кураш билан боғламоқчи эди, аммо режиссёрлар унга рад этиш қийин бўлган таклиф беришади. Дуэйн Жонсон “Мумиёнинг қайтиши” фильмида илк бор рол ижро этади ва дарҳол дебют роли учун энг юқори гонорар олган актёр сифатида Гиннеснинг рекордлар китобига киради.
“Форсаж” франшизаси, “Жуманжи: чангалзор чақириғи” саргузашт фильми, “Ўқдан тез” жангари фильми — актёрнинг энг машҳур лойиҳаларидир. Жонсонга кўпинча спортчилар, баҳайбат одамлар ва ҳарбийлар роллари берилади.
Рори МакКанн (198 см)
Бу баланд бўйли актёрнинг “Оскар”га сазовор роллари йўқ. Рори МакКанннинг энг машҳур асари “Тахтлар ўйини” бўлиб, фильмда у Кўппак лақабли Сандор Клиган образини ижро этади. Суратга олиш майдончасида у Николас Кейж ва Дуэйн Жонсон билан ҳамкасб бўлган.
Бред Геррет (203 см)
Актёр фаолиятини стендап комик сифатида бошлаган ва бир шоуда муваффақиятли чиқиш қилгани учун ҳатто 100 минг доллар ютиб олган. Кейин Бред Гарретт кино саноатига кириб, овоз бўйича мутахассис ва актёр сифатида танилади. Унинг энг ёрқин роли “Ҳамма Раймондни яхши кўради” ситкоми бўлиб, у ерда у бош қаҳрамоннинг акасини ўйнайди.
Лойиҳа туфайли Геррет олти марта “Эмми” мукофотига номзод бўлган ва уч марта “Энг яхши иккинчи даражали актёр” номинациясида лауреат бўлган. Актёр шахсий ҳаётини эълон қилмайди.
Юнас Суотамо (211 см)
Юнас Суотамо баланд бўйи туфайли у Питер Мейҳю ўрнига “Юлдузлар жанги: Куч уйғониши” космик эпопеясининг еттинчи эпизодидаги Чубакки ролини ижро этади.
Эпопеядан сўнг Жонас яна бир нечта лойиҳаларда рол ўйнайди. Шунингдек, у “Уэнздей” сериалининг иккинчи мавсуми актёрлари таркибига кирганлиги маълум. Финляндиялик спортчи баскетбол жамоасида ҳам ўйнайди. У уйланган ва икки фарзандни тарбияламоқда.
Изоҳ (0)