Шундай зийрак кино мухлислари борки, улар фильмдаги энг кичик хатони ҳам ўтказиб юборишмайди. Мисол учун, улар ҳатто кадрда кўрсатилган маҳсулотнинг яроқлилик муддатини текширишлари ҳам мумкин.
Наташа Романоффнинг эскирган сендвичи
“Қасоскорлар: хотима” фильмининг зийрак томошабинлари туфайли Скарлетт Йоханссоннинг сендвич ейиш саҳнасида кўз ёшлари тўкилишининг асл сабабини тахмин қилиш мумкин. Актриса нонни ейишни хоҳмаётгани сезилиб туради, чунки газакни тайёрлашда муддати ўтган ерёнғоқ мойидан фойдаланилган.
Маҳсулотнинг амал қилиш муддати 2018 йилда тугаган — Наташа Романофф эса 2023 йилда ундан сендвич тайёрлашга қарор қилади, яъни биз томоша қилаётган воқеа содир бўлган йилда.
Ўз-ўзидан тўлиб қоладиган қошиқ
“Қулай хоним” комедиясида агент Грэйси Ҳарт барда музқаймоқ еган саҳна бор. Шу вақтда бир ҳамкасби ва унинг ҳамроҳи саломлашиш учун унинг олдига келади. Уларнинг суҳбати давомида бўш қошиқ тўсатдан музқаймоқ билан тўлиб қолганини кўриш мумкин.
Бирданига пайдо бўладиган кассета
“Каскадёрлар” фильмида қаҳрамонлар кўплаб трюкларни ижро этишади. Албатта, бундай хавфли дақиқаларда ҳар бир майда-чуйда деталлни назорат қилиб бўлмайди. Мисол учун, якуний саҳнада Райан Гослинг ўйнаган бош қаҳрамон вертолётдан сакрайди — унинг қўлида душманининг гапи ёзилган аудиокассета бўлади. Бироқ у йиқилган кадрларда қаҳрамоннинг қўлларида ҳеч нима йўқлигини кўриш мумкин. Райан Гослинг батутга сакраб тушганида муҳим далиллар қўлида пайдо бўлиб қолади.
Ўрта асрларда акрил тирноқлар
Тармоқ фойдаланувчилари Пенелопа Фезерингтонни вақт саёҳатчиси, деб ҳазиллашади. Чунки қизнинг маникюри Ўрта асрлар даврига тўғри келмайди. Баъзи саҳналарда Пенелопанинг тирноқлари табиий кўринишга эга бўлса, бошқаларида қаҳрамоннинг акрил маникюрда юрганини кўриш мумкин.
Мўжизавий оёқ кийимлар
“Арвоҳ овчилари” фильмида қаҳрамонлардан бири қадимий сеҳрга дучор бўлади. Чўлда яна бир жодуланган қаҳрамонга дуч келганида аёлнинг ялангоёқ юргани яққол кўринади. Бироқ у қадимий иблиснинг ёнидаги ўрнини эгаллаш учун зинапояларга кўтарилаётганда баланд пошнали туфлида пайдо бўлади. Кейинчалик жоду ўз кучини йўқотганда пойабзал яна йўқолиб қолади.
Ғойиб бўлган сирғалар
“Титаник” фильмида Жек биринчи даражадаги зодагонларнинг кечки овқатига келади, у ерда уни қимматбаҳо сирғалар тақиб олган Роуз кутиб олади. Овқатланиш ва суҳбатдан сўнг, ёшлар учинчи даражали салонга рақсга тушиш учун югуришади. У ерда Роуз маза қилиб рақсга туша бошлайди, лекин сирғасиз. Уни қачон ечиб олгани ва қаерга қўйгани номаълум.
Жорданнинг тезкор ҳаракатлари
Интернет фойдаланувчилари эътиборидан четда қолмаган “Уолл стрит бўриси” фильмида ҳам кичик хатолик юз берган. Гап Леонардо Ди Каприо қаҳрамони Марго Роббининг йиғлаётган қаҳрамони билан мулоқот қилган саҳна ҳақида бормоқда. Унинг қўлларига эътибор беринг.
Хотинидан бу хабарни эшитган Жордан аввал қўлларини ёноқларига қўяди, сўнгра бошини чангаллайди. Аммо қаҳрамонни бошқа томондан кўрсатилиши биланоқ, унинг қўллари яна ёноқларига тушиб қолади.
Китоб ерга тушмайди
“Мумиё”да Эвини биринчи марта кутубхонада учратамиз. Нарвонда турган қиз қўлида китоб ушлаб, яқин атрофдаги жавонга қўйишга ҳаракат қилади. Лекин китоб қўлидан тушиб кетса-да, ҳеч қандай овоз эшитилмайди, полда ҳам бирорта китоб кўринмайди — худди шу заҳотиёқ ер ютиб юборгандек.
Изоҳ (0)