Асрлар давомида қайта-қайта кўриш мумкин бўлган фильмлар бор. Аммо вақт ўтиши билан ёрқинлигини йўқотадиганлари ҳам йўқ эмас.
“Уддабурон болалар” франшизаси
“Уддабурон болалар” — жосуслик ҳақидаги бир қатор комедик фильмларни ўз ичига олган франшиза. Жами 5 та фильм ва битта анимацион сериал чиқарилган. Бундан ташқари, ушбу фильмга асосланган китоблар, комикслар ва видеоўйинлар мавжуд.
Камчиликлари: Аммо бу фильмларнинг асосий хусусияти шундаки, улар фақат болаларга қаратилган. Агар уларни қайта кўрсангиз, сюжетдаги хатоликлар, қаҳрамонларнинг аҳмоқона ҳаракатлари ва, албатта, махсус эффектларнинг сифатсизлиги дарҳол аён бўлади.
“Эдвард қайчиқўл”, 1990
“Эдвард қайчиқўл” — Тим Бёртон режиссёрлик қилган готика услубидаги романтика. Режиссёр ўзини ўзи англаш фильмнинг асосий мавзуси деб атаган. Фильм чиққан пайтда танқидчилар ҳам, томошабинлар ҳам уни замонавий эртак билан таққослаб, асосан ижобий баҳо беришади.
Камчиликлари: Ғайриоддий мавзу ва ёқимсиз қаҳрамонга қарамай, фильмни қайта кўриш зерикарли ва қизиқ эмас. Ҳикоя ритмидаги камчиликларни сезиш мумкин. Бундан ташқари, романтик воқеаларни томоша қилиш томошабинга ҳеч қандай завқ келтирмайди.
“Мувозанат”, 2002
“Мувозанат” — Курт Виммер томонидан ёзилган ва режиссёрлик қилинган илмий-фантастик фильм. Танқидчилар фильмни “Фаренгейт бўйича 451” ва “1984” классик асарлари билан таққослаб, аниқ хатоликларни қайд этишларига қарамай, режиссёр бундай баёнотларни қатъиян рад этади.
Камчиликлари: Экшн саҳналарининг ёмон йўналиши, салмоғи йўқ сюжетлар, фильм воқеаларининг мантиққа бўйсунмаслиги ва ғоянинг заифлиги картинанинг кўзга ташланиб турадиган камчиликлари ҳисобланади.
“Ёзнинг 500 куни”, 2009
“Ёзнинг 500 куни” — сюжет чизиғи бўлмаган ҳикоя тузилишига эга комедик мелодрама. У эркак қаҳрамоннинг ҳикояси ва унинг муваффақиятсиз муносабатлари ҳақидаги хотираларига асосланган. Кино танқидчилари фильмни 2009 йил охирида бир нечта “энг яхши 10 та фильм” рўйхатига киритади.
Камчиликлари: Турли ёшда бош қаҳрамонларга муносабат ўзгаради. Бир томошабин таъкидлаганидек, балоғатга етмаган бўлсангиз, Том тарафида бўласиз. Катта бўлгач, Саммер томонига ўтасиз. Аммо етарлича етук бўлганингизда, уларнинг иккаласи ҳам аҳмоқ эканлигини тушунасиз.
“Енгилмас қаҳрамонлар лигаси”, 2003
“Енгилмас қаҳрамонлар лигаси” — комиксларга асосланган, аммо сюжети ва атмосфераси жиҳатидан фарқ қиладиган суперқаҳрамонлик фильми. Фильм таниқли адабий қаҳрамонларни бир жойга жамлагани билан ажралиб туради. Улар орасида капитан Немо, Том Соер, Дориан Грэй ва профессор Мориартини кўриш мумкин.
Камчиликлари: Агар ижодкорлар сюжет асос бўлган асл манбага эътибор қаратганида, фильм анча яхши ва қизиқарлироқ бўларди. Минани (оригиналда “Дракула” қаҳрамони) жозибадор қилиш учун вампирга айлантирилгани киноижодкорларнинг манбани шунчаки тушунмаганини кўрсатади.
“Рақс завқи” франшизаси
“Рақс завқи” — бу романтика ва рақс уйғунлашган антология. Ҳаммаси бўлиб, франшиза олтита фильм ва телесериални ўз ичига олади. Танқидчилар унчалик хайрихоҳ бўлмасалар-да, лекин фильм томошабинлар орасида муваффақият қозонади ва катта касса йиғади.
Камчиликлари: Энг яхши ҳикоя биринчи фильмда эди, кейингилари борган сари ёмонлаша бошлади. Аммо рақслар ҳар сафар яхши чиқди ва шу нарсагина томошабинларни ушлаб турди. Саҳналарда ҳам жуда кўп қўпол хатолар ва номувофиқликлар мавжуд бўлиб, бу фильмни қайта кўриш истагига ҳам таъсир қилади.
“Келин малика”, 1999
“Келин малика” — саргузашт-комедик романтика. Ҳикоя Уилям Голдманнинг 1973 йилдаги худди шу номли китоби асосида ишланган. Аввалига кассада камтарона муваффақиятга эришган фильм охир-оқибат классикага айланади ва 1980 йилларнинг энг яхши фильмларидан бири сифатида тан олинади.
Камчиликлари: Томошабин бош қаҳрамон, қароқчи Уэстлининг ҳаракатларида чалкашиб кета бошлайди. У йиртқич ҳайвон сифатида намоён бўлади. У қароқчиликка мажбур бўлган бўлиши мумкин, лекин у раҳбар бўлганидан кейин бундай ишларини тўхтатиши мумкин эди.
Изоҳ (0)