Сифатли сценарий ёзиш осон иш эмас, ҳатто тажрибали ижодкорлар ҳам баъзида хато қилади. Бироқ мантиққа эътибор берилмаганига қарамай, бугунги кунда мазкур фильмлар ҳамон севиб томоша қилинмоқда.
“Шоушенкдан қочиш” фильмидаги плакат
Кичик болғача билан қамоқхона деворида улкан тешик очиб, ундан қочиб кетиш ҳам мумкиндир. Аммо плакат у ерда қандай илиниб туради? Ёки фильм қаҳрамони Энди уни ташқи томондан ёпиштириб қўйганми?
“Армагеддон” ўзига ўзи муаммо яратади
Сайёрани яксон қилувчи астероид Ерга яқинлашганда тажрибали астронавтлар жамоаси ёрдамига таяниш ўрнига зарарли одатлар ва руҳиятида муаммолари бўлган одамларни қутқарувчиликка ёллаш қанчалик тўғри?
“Гравитация”да гравитация инкор қилинади
Сандра Буллок ва Жорж Клуни иштирокидаги бутун фильмнинг ўзини катта сўроқ остига қўйиш мумкин. Бундан ташқари, сунъий йўлдошлар ҳам ракета ҳужуми хавфи остида эди. Буллок ижро этган қаҳрамон фильмнинг деярли ҳар бир саҳнасида ўлиши мумкинлиги ҳақида гапирмаса ҳам бўлади.
“Ўйинчоқлар тарихи”нинг асосий хатоси
Мультфильмнинг биринчи қисми Эндининг янги ўйинчоғи Базз Лайтер ўзининг ҳақиқий космик рейнжер эканлигига чин дилдан ишонишига асосланган. Болакай хонага кирганда эса барча ўйинчоқлар каби космик рейнжер ҳам қотиб қолади. Демак, у ўзини қалбан ўйинчоқ ҳисоблаганми?
“Капалак эффекти” фильмидаги номувофиқликлар
Бутун фильм ўтмишдаги энг кичик ўзгариш қандай ҳалокатли оқибатларга олиб келишига бағишланган. Аммо Кутчернинг қаҳрамони болалигида қўлини кесиб олганида, унинг таъсири катта бўлганида сезилмайди. Биргина аксириш бутун сайёра тақдирини ўзгартириб юборади. Қўлини кесганда эса фақат чандиқлар қолади холос.
“Сокин жой” фильмидаги бир нечта хатоликлар
Атрофда овозингиз ёрдамида топиб оладиган йиртқич махлуқлар изғиб юрганда қаҳрамонлар шаршарага бориб, сув шовқини остида гаплашиб келишади. Кейин яна сокин ўрмонга қайтиб, имо-ишоралар билан сўзлашишади. Шаршарага бормасдан, ўрмоннинг ўзида ишоралар билан гаплашса бўлмасмиди?
“Каратечи болакай” фильмида спортнинг оддий қоидалари ишламайди
Дениэл турнирда ғолиб чиқади, табиийки, мусобақанинг ягона қоидаси — рақибининг юзига урмасликдир. Аммо қаҳрамон айнан шу йўл билан ғолиб бўлади.
Изоҳ (0)