Сифатли сценарий ёзиш осон иш эмас, тажрибали ижодкорлар ҳам баъзида хато қилади. Зукко томошабинлар эса энг пухта ва яхши ишланган фильм ёки сериалларда камчиликлар топа олади. Қуйида машҳур фильмлардаги кўпчилик сезмаган хатоликлар ҳақида маълумот берилади.
“Оппенгеймер” (2023)
1945 йиллар тасвирланган “Оппенгеймер” фильмидаги саҳналарнинг бирида бош қаҳрамон Роберт Оппенгеймер Лос Аламосдаги оломон олдида бўлади, у ерда 50 та юлдуз расми туширилган Америка байроғи ҳилпираб туради. Бироқ юлдузли байроқ 1945 йилда мавжуд бўлмаган. Ўша даврдаги президент Дуайт Эйзенхауэрнинг буйруғи билан 1959 йилда ушбу байроқнинг янги кўриниши расман тасдиқлаган.
“Шерюрак” (1995)
“Шерюрак” фильмининг режиссёри, ҳаммуаллифи ва бош қаҳрамони Мел Гибсон ўз меҳнат маҳсулини муносиб тарзда кўрсатиш ва томошабинларни ҳайратда қолдириш учун жуда кўп ҳаракат қилди, аммо лойиҳа тарихий ноаниқликлар ва турли хил хатолардан холи бўлмади. Масалан, шотландлар ва инглизлар ўртасидаги жанг пайтида орқа томонда Форд Мондео русумли машинани кўришингиз мумкин.
“Келажакка қайтиб” (1985)
Вақт бўйлаб саёҳат ҳақидаги фантастикада ҳам бир қанча хатоликлар мавжуд. Масалан, “Келажакка қайтиб” фильмининг биринчи қисмидаги таниқли эпизодда 1955 йилдаги воқеалар тасвирланади. Унда қаҳрамон Марти Макфлай саҳнага чиқиб, “Жонни Б Гооде”га тегишли, аввал ҳеч ким эшитмаган композицияни ижро этади. Унда актёр Гибсон ЭС-345 русумли гитара чалади, аммо мазкур мусиқий асбоб 1958 йилдан кейин ишлаб чиқарилган.
“Кичик аёллар” (2019)
Луиза Мей Алкотт қаламига мансуб “Кичик аёллар” китобининг экранизациясида 19-асрнинг ўрталарига оид давр намойиш этилади. Аммо фильмдаги интерерда Польшадан келтирилган булоқ суви бутилкаси ва термос кадрга тасодифан тушиб қолган.
“Викинглар” (2013–2020)
Тарихий драма жанридаги мазкур сериалда бир нечта хатоларга йўл қўйилган. Мисол учун, актёрлар кийган дубулғалар ва иккинчи даражали эпизодик актёрлар кийган либослар ўша даврдаги викингларга мос келмайди. Асосийси, викинглар бир-бирларини викинг деб атамаган.
“Эмили Парижда” (2020)
Фильм учинчи мавсумининг учинчи эпизодида мухлислар яна бир хатони пайқашди. Бош қаҳрамон Эмили Париждаги меҳмонхоналардан бирида қолади. Қизиқарлиси, деразалари турли томонга қараган ҳар бир хонадан Париждаги ягона бўлган Эйфель минораси кўриниб туради.
Ижтимоий тармоқларда бу ҳақида кўплаб ҳазиллар тарқалди: “Қизиқарли факт: Парижда яшовчи ҳар бир одам куннинг истаган вақти ва ҳолатида, қаерга қарамасин, доим Эйфель минораси унга кўриниб туради, бино эса ҳеч қандай вақт ва макон қоидаларига бўйсунмайди”, деб ҳазиллашди фойдаланувчиларидан бири.
Изоҳ (0)