Иккинчи планга ўтиб қолган ҳалокат, ишонарсиз севги қиссаси: “Титаник” фильмидаги асосий камчиликлар

Режиссёр Жеймс Кемероннинг “Титаник” фильми, шубҳасиз, кино саноатидаги энг яхши лойиҳалардан биридир. Режиссёр маҳорати, оператор, овоз муҳандислари ва визуал эффектлар бўйича мутахассисларнинг узоқ меҳнати туфайли фильм 11 карра Оскар мукофотига номзод бўлди.

Фильмнинг катта муваффақиятга эришганига қарамай, унда ўзига хос камчиликлар ҳам етарли. Қуйида “Титаник”даги реалликдан йироқ бўлган бешта асосий хатоликларни кўриб чиқамиз.

1. Бадавлат инсонлар фақат салбий қаҳрамонлар сифатида тасвирланган

“Титаник”да олий табақага мансуб бой одамлар зерикарли ва шафқатсиз, камбағал одамлар эса қувноқ ва бахтиёр қилиб тасвирланган. Энг ачинарлиси шундаки, фильмлардаги бу тасвирлар бизнинг турли ижтимоий қатламлар ҳақидаги тасаввур ва қарашларимизга таъсир қилади.

Аммо ҳақиқий ҳаётда бой ва камбағал одамлар орасида яхши инсонлар ҳам, ёзувлар ҳам топилади. Фильмдаги умумий шаблонлар ҳар бир инсон моддий шароитидан қатъи назар ҳалол ва покиза бўлиши мумкинлиги ҳақидаги фикрдан йироқлаштиради.

2. Ҳақиқий фожиа иккинчи планга ўтиб қолган

Танқидчилар “Титаник” фильми сюжети севги ҳикоясига асосланганлигини ҳамда томошабин диққатини асосий мавзу — кема ҳалокати фожиасидан чалғитишини таъкидлайди. Томошабинларнинг фикрига кўра, фильм муаллифлари Роуз ва Жек қаҳрамонларининг тақдирига кўп эътибор қаратган, аслида эса кеманинг чўкиши ҳақидаги тафсилотлар кўпроқ ёритилиши керак эди.

Фильмдаги яна бир камчилик бу “Титаник”даги бошқа йўловчиларнинг ҳис-туйғулари ва кечинмалари етарли даражада кўрсатилмаганидир. Чунки фильм сюжети бирёқлама бўлиб қолган ва тарихий ҳикоянинг муҳим жиҳатлари кам ёритилган.

2. Жек ва Роузнинг ҳавойи ишқий муносабатлари

“Титаник”да Роуз ва Жекнинг севги ҳикояси жуда оддий сюжетга асослангани ҳам танқид қилинади. Уларнинг муносабатлари ривожланишида чуқурлик ва ўзига хослик етишмаган. Камбағал йигит ва бой оиланинг қизи ҳамда унинг рашкчи қаллиғи ҳақидаги ҳикоя жуда оддий чиққан. Яна баъзиларнинг фикрича, фильмда Леонардо Ди Каприо ва Кейт Уинслетнинг муносабатлари ишонарли чиқмаган.

3. “Титаник”нинг чўкиши тарихдаги энг катта фожиа эмас

1912 йилда океанга ғарқ бўлган улкан лайнерга бағишланган фильм ҳақида гап кетганда барча нашрларда 20-асрнинг энг фожиали воқеаси сифатида тилга олинар эди.

Аммо “Титаник” ҳалокати ўша даврдаги энг катта ҳалокат деб атаб бўлмайди. Биринчи ва Иккинчи Жаҳон урушлари, Россия империясининг қулаши каби инсоният тарихидаги муҳимроқ воқеаларда қурбонлар ва йўқотишлар сони кўпроқ бўлган ва бутун дунё тарихида ўчмас из қолдирган.

4. Баъзи саҳналардаги хатоликлар

Жеймс Кемероннинг фильмида соч турмагининг бирдан ўзгариб қолиши, камерага олаётган операторнинг кўзгуда кадрга тушиб қолиши каби бир нечта техник хатоликлар мавжуд. Шунингдек, айрим воқеалар ўша даврнинг тарихий воқелигига мос келмайди. Бош қаҳрамонлар ўртасида вужудга келган ришта ҳам ўша давр учун ҳақиқатдан йироқ бўлиши мумкин.

Шунга қарамай, фильм ўзининг ажойиб сюжети ва визуал эффектлари билан тарихдаги энг дурдона асарлардан бири сифатида тан олинади.