Америкалик машҳур хонанда Тейлор Свифтнинг The Eras Tour номли гастрол концертининг навбатдаги қисми Швейцарияда ўтказилди. Летзигрунд стадионида ташкил этилган концертга 50 мингдан ортиқ одам тўпланди ва сунъий зилзила юзага келтирди.
Машҳур юлдузнинг шоусида мухлислар бир вақтда сакраши ва рақсга тушиши сейсмик тебранишларни келтириб чиқарди. Тейлор Свифтнинг мухлислари Швейцариянинг Цюрих шаҳрида сейсмик фаоллик юзага келтириши биринчи ҳолат эмас. Аввалроқ хонанда Британияда берган концертида ҳам шундай ҳолат кузатилган эди.
Маълумотларга кўра, 9 июль куни бўлиб ўтган концертда фанатларнинг синхрон сакраши сейсмик тебранишларга сабаб бўлган. Зилзила тўлқинлари стадиондан олти километргача бўлган масофада сейсмометр орқали аниқланган.
“Кўпчилик биргаликда ритмик ҳаракат қилганда ҳосил бўлган энергия уйғунликдаги тебранишлар кўринишида ерга тушади, шу сабабли ушбу энергия яқин атрофдаги сейсмометрлар томонидан аниқланиши мумкин”, дея тушунтирди мутахассислар.
Зилзиланинг энг юқори кўрсаткичи соат 19:00 да кузатилди. Айнан ўша вақтда хонанда саҳнага чиққан ва мухлислар юлдузни ўзгача ҳаяжон билан кутиб олган.
Изоҳ (0)