Forbesъга кўра 2024 йилда дунёнинг энг бадавлат аёл хонандаси, америкалик поп-юлдуз Тейлор Свифт кейинги бир йил ичида карьерасида танаффус олишини эълон қилди, деб ёзади People talk.
У икки йил узлуксиз давом этган Тhе Eras Tour гастрол сафарларидан қаттиқ чарчаган ва саломатлигини тиклаш учун 2025 йилда концерт қўймасликка қарор қилган.
Тейлор Свифт 2023 йил март ойидан 2024 йилнинг декабригача 150 марта турли давлатларда чиқиш қилди. Бешта қитъа бўйлаб қўйилган Тhе Eras Tour концертлари ва қўшиқлари асосида Свифт миллиардерлар рейтингидан ўрин олди.
“Тейлор жуда толиққан. Хонанда тўлиқ ҳордиқ чиқариш ва ресурсларини тиклаш учун янги йилни интиқлик билан кутмоқда”, дея қайд этди US Weekly нашри.
Свифт даромади 2,5 миллиард долларга етган дунёдаги барча мусиқачилар орасида иккинчи ўринда. У 14 карра “Гремми” мукофоти совриндори бўлиб, улардан тўрттаси “Йилнинг энг яхши альбоми” номинацияси учун берилган. Rolling Stone ва Billboard маълумотларига кўра, Тейлор Свифтнинг қўшиқлари барча даврларнинг энг яхши қўшиқлари ва альбомлари рўйхатига киритилган.
Изоҳ (0)