Барча нарсаси бор инсонга нима совға қилиш мумкин? Бу саволга қуйидаги жаҳонга машҳур юлдузлар жавоб топган кўринади. Уларнинг танлови барчани лол қолдириши шубҳасиз.
Селена Гомес
Селена Гомеснинг қайлиғи хонанда учун ҳеч нарсани аямайди. Унинг туғилган кунига Бенни Бланко 600 минг долларлик занжир совға қилди. Аксессуардаги “b” ҳарфи бриллиантлар билан безатилган.
“Ушбу занжир менинг дунёдаги энг гўзал қаллиғим учун махсус аталган”, деб ёзади Бланко.
Райан Рейнолдс
Актёр Райан Рейнолдс 2021 йилда ҳамкасби билан биргаликда 2,5 миллион доллардан кўпроқ пул эвазига “Рексем” футбол жамоасини сотиб олган.
“Бу харид Райан сармоя киритган энг яхши танлов бўлди, чунки унинг акциялари ҳозирги кунда бир неча баробарга кўтарилган”, деб маълумот берди Ин Touch Weekly.
“Рексем” футбол клуби тугатилиш арафасида эди, лекин Рейнолдс команданинг нафақат обрўсини, балки қийматини ҳам сақлаб қолишга муваффақ бўлди. Ҳозирда жамоанинг нархи 12 миллион доллардан ошади.
Крис Женнер
Псалмнинг бувиси Крис Женнер набирасига атаб 1500 долларга ҳашаматли Tesla Cybertruck машинасининг мини-версиясини совға қилган. Мухлислар болакай каттароқ бўлганида унга мазкур машинанинг ҳақиқий версиясини ҳадя қилишларига ишонади.
Карди Би
Мусиқадан ташқари хонанда иккита нарсага жуда қизиқади: автомобиллар ва Birkin сумкалари. Карди Би турли русумдаги машиналарга ҳақиқатан ҳам жуда кўп пул сарфлайди. REREV портали берган маълумотларга кўра, хонандага тегишли автотураргоҳдаги машиналарнинг умумий қиймати 42 миллион долларга баҳоланади. Қизиқарлиси, юлдуз машина ҳайдашни билмайди ва унинг ҳайдовчилик гувоҳномаси йўқ.
Birkin сумкалари эса Карди Бининг севимли аксессуарларидир. Page Six ёзишича, бундай коллекция тахминан 2 миллион доллар туради.
“Уйимда ҳақиқатан бўш жой қолмади”, дейди хонанда.
Тейлор Свифт
Хонанда бошқа аёллар каби заргарлик буюмларини йиғишга эмас, балки самолётлар харид қилишни яхши кўради. Хонанданинг иккита шахсий самолёти бор.
“У жуда чиройли ва жуда мураккаб турдаги самолётларнинг мухлисидир”, деб ёзади америкалик журналист Том Браун.
Бошқа томондан, хонанда учун самолёт биринчи навбатда қулайлик манбайидир. Бир неча давлатларда бўлиб ўтган Тhе Eras Tour давомида унинг шахсий самолёти деярли 7 кун танаффусларсиз ҳавода вақт ўтказган. Бундай узоқ ва катта гастрол концертлари учун улкан ташкилий жамоа меҳнат қилади.
Ким Кардашян
Lil Hidden Hills номли шаҳарча АҚШнинг Калифорния штатида жойлашган. Ушбу жой Ким Кардашян томонидан болалари ўйнаши учун қурилган. Шаҳарча ўт ўчириш маркази, бутиклар, дўконлар ва кафелар билан жиҳозланган. Унинг марказида Lego’дан ясалган улкан қалъа мавжуд. Унинг ичи турли ўйинчоқлар ва барча керакли ашёлар билан тўлдирилган.
Изоҳ (0)