Американинг Billboard журнали сўнгги 25 йил ичида энг машҳур эстрада юлдузлари рейтингини тузди. Унга кўра, хонанда Бейонсе 21-асрнинг энг буюк поп юлдузи деб эълон қилинди.
Billboard нашрининг таъкидлашича, қиролича Би мукофотлар сони бўйича рекордчига айланди: Бейонсе 32 карра “Гремми” ва 27 марта Billboard Music Awards мукофоти совриндори бўлган.
Иккинчи ўринни хонанда Тейлор Свифт эгаллади.
“Интернетда мазкур рейтинг бўйича турли баҳс ва мунозаралар вужудга келиши табиий, чунки Тейлор Свифтнинг ғолиблик маррасидан бир қадам ортда бўлиши унинг янада кучли эканлигидан далолат беради”, деб ёзади Billboard.
Машҳур журналнинг Бейонсега биринчи ўринни бериш ҳақидаги хабар бир зумда ижтимоий тармоқлар ва экспертлар орасида танқидга учради. Бунга санъаткорнинг сўнгги йилларда турли можаролар иштирокчисига айлангани, жумладан, ҳозирда жинсий зўравонлик ва тажовузкорлик учун судланаётган рэпер П.Дидди билан дўстлиги сабаб бўлган.
Бундан ташқари, Billboard рўйхатида иккинчи ўринни эгаллаган Тейлор Свифтнинг мухлислари бу қарордан қаттиқ норози бўлди, чунки мусиқий рейтинглар ва чартларга кўра, у хонанда дунёдаги энг машҳур ва юқори рейтингли поп юлдуз ҳисобланиши керак эди. Аммо нашрнинг фикрига кўра, Свифт ҳали жуда ёш ва саҳнага рақибига қараганда кечроқ чиққан.
XXI асрнинг энг буюк эстрада юлдузлари рейтингида учинчи ва шарафли ўрин хонанда Рианнага насиб этди. Жами 25 нафар эркак ва аёл хонандалар нинг мусиқа саноатига қўшган ҳиссаси эътироф этилди. Сўнгги ўринларни Bad Bunny, Эд Ширан ва Кети Перри олди. Дрейк ва Рианна каби машҳур юлдузлар юқори ўринлар учун курашди.
Billboard маълумотларига кўра, асримизнинг энг яхши ўнта санъаткори қуйидагилардир:
- Бейонсе
- Тейлор Свифт
- Рианна
- Дрейк
- Леди Гага
- Бритни Спрс
- Канье Уэст
- Жастин Бибер
- Ариана Гранде
- Адел
Изоҳ (0)