Парковка қилиш, бодринг тўғраш ва йиғлашни билмайдиган Голливуд юлдузлари (видео)

Баъзилар учун буларнинг барчаси кундалик одатлардан бири бўлиши мумкин. Қуйидаги жаҳон юлдузлар учун эса булар имконсиз вазифа ҳисобланади.

Кендалл Женнер

“Кардашянлар” шоусининг ушбу эпизоди эфирга узатилганидан деярли икки йил ўтса-да, томошабинлар ҳали ҳам Кендалл Женнерни қандай қилиб бодрингни кеса олмаганини яхши эслашади. Кўринишидан, юлдузлар оиласида ўз қўли билан овқат пишириш одат тусига кирмаган, аммо модел ўзини пазандачиликда синаб кўришга қарор қилади. Бодрингни эплаб кесолмаган Кендалл у профессионал ошпаз эмаслигини айтади. Унинг фикрича, сабзавотларни тўғраш учун кўп тажрибага эга бўлиш ва маҳоратни ошириш керак.

Селена Гомес

Умид қиламизки, Селена Гомеснинг янги йигити унга машинани тўғри бошқариш, тўхташ ва ёнилғи қуйишни ўргатади. Аввал ҳам папараццилар қўшиқчини бир неча бор ёнилғи қуйиш шохобчасида кадрларга муҳрлаган. Селена кўпинча ёнилғи қуйиш шохобчасидан шунчалик узоқда тўхтайдики, ёнилғи шланги машинагача етмайди. Баъзида у машинани нотўғри йўналишда ёнилғи қуйиш шохобчасигача олиб боради. Бир куни эса Гомес папарацциларнинг ўзидан унга ёрдам беришни сўрайди. Номаълум эркак унинг машинаси рулига ўтириб, вазиятни ўнглаган.

Тейлор Свифт

Ҳар биримиз болалигимизда шошилгандан кийимимизни тескари кийиб олганмиз. Аммо Тейлор Свифт билан бундай вазият ҳалигача содир бўлади. Бир неча йил олдин юлдуз футбол ўйинида бўйни очиқ жемпер кийган ҳолда пайдо бўлади. Маълум бўлишича, у кийимни тескари кийиб олган ва мухлислар фотосуратни кўрганларида дарҳол буни пайқашади. Свифт мухлисларига ёлғон гапирмайди ва у олд ва орқа томонларни ажрата олмаслигини тан олади.

Зендая

Маълум бўлишича, Кендалл ошхона пичоқларини қандай ишлатишни билмайдиган ягона одам эмас. Масалан, Зендая ҳам овқат пиширишни билмайди ва бир марта буни қилишга уринган юлдуз бармоғини кесиб олади. Актриса бармоғини шу қадар қаттиқ жароҳатлаганки, Том Ҳолланд уни касалхонага олиб борган. Натижада унинг бармоғи тикилади. Зендая ошхона унинг учун эмаслигини тан олади.

Жаред Лето

Ушбу фактдан кейин мухлислар Жаред Лето ҳақидаги фикрларини ўзгартириши ва уни бемеҳр деб аташлари мумкин — мусиқачи йиғлашни билмайди. Интервьюларнинг бирида юлдуздан қайси қўшиқлар унинг кўз ёшларига сабабчи бўлганини сўрашади. Жаред бунга жавобан деярли 17 йил давомида йиғламаганини айтади. У буни бемеҳр бўлгани учун эмас, балки атайлаб кўз ёшларини чиқаришни билмаслиги билан изоҳлайди. Кундалик ҳаётда бу маҳорат унчалик муҳим эмас, лекин актёрлик карьераси учун бу камчилик ҳисобланади.