Гўзаллик тушунчаси ўта субъектив бўлса-да, уни ўлчашнинг илмий усули мавжуд. Албатта, гап қадимги юнонларга маълум бўлган “олтин стандарт” формуласи ҳақида кетмоқда. У ҳозирги кунларда ҳам муваффақиятли қўлланилмоқда. Мисол учун, пластик жарроҳ Жулиан де Сильва фотосуратлар устига махсус ниқоб-хариталарни жойлаштиради. Бу ниқоблар инсон юз нисбатларининг олтин қоидаларига кўра қанчалик идеал эканлигини аниқлашга ёрдам беради. Шу маълумотлар асосида энг гўзал юлдузлар рейтинги тузилади.
9-ўрин: Алия Бхатт
Маълумотларга кўра, ҳинд миллатига мансуб британиялик актрисанинг юзи 91,14 фоизга олтин стандартларга яқин. 31 ёшли юлдуз кўзларининг жойлашуви деярли идеал — 98,4 фоиз. Энг кичик фоиз эса қошларида.
8-ўрин: Чжан Цзи
Айниқса, “Гейша хотиралари” фильмидаги Чио роли билан томошабинлар хотирасида қолган хитойлик актриса 91,51 фоиз стандартларга жавоб беради. 45 ёшли юлдуз кўзларининг жойлашуви унинг энг кучли хусусияти бўлиб, аммо бурун асосининг лаблар кенглигига нисбати эса идеалдан узоқроқ.
7-ўрин: Тейлор Свифт
34 ёшли қўшиқчи Тейлор Свифтнинг натижаси бир оз юқорироқ чиқди. У олтин меъёр стандартларига 91,64 фоиз даражасида мос келди. Бунда энг юқори мослик даражаси унинг иягида кузатилди. Энг паст кўрсаткич эса қошларида қайд этилди.
6-ўрин: Бейонсе
43 ёшли Бейонсенинг натижаси бир оз юқорироқ — у 92,4 фоизни ташкил этди. Қўшиқчи ҳақли равишда юз шакли билан фахрланиши мумкин, чунки у деярли мукаммал — 99,6 фоиз. Қошлари эса бошқа юз белгиларига нисбатан энг кам балл тўплаган.
5-ўрин: Сон Хе Гё
42 ёшли жанубий кореялик актрисанинг энг кучли жиҳати — кўзларининг жойлашуви бўлиб, у идеалга 99,7 фоиз мос келади. Энг паст кўрсаткич бурун асосининг лаб кенглигига нисбатида кузатилди. Умуман олганда, Сон Хе Гё стандартга 92,67 фоиз мувофиқ келади.
4-ўрин: Марго Робби
Бу ўринни 34 ёшли австралиялик машҳур актриса Марго Робби 93,43 фоиз натижа билан эгаллади. Бурун асосининг лаблар кенглигига нисбати энг юқори натижани кўрсатди ва у 97,4 фоизни ташкил этди. Қошлари эса идеалдан узоқлашиб кетди.
3-ўрин: Белла Ҳадид
Топ учталикни 28 ёшли модел Белла Ҳадид бошлаб беради. Унинг юзи стандартга 94,35 фоиз мос келади. Иягини эса идеал деб ҳисоблаш мумкин, чунки у 99,7 фоизга яқин. Энг паст фоиз эса қошларида.
2-ўрин: Зендея
Фахрий иккинчи ўринни 28 ёшли актриса ва қўшиқчи Зендея 94,37 фоиз натижа билан эгаллади. Унинг лаблари идеалга энг яқин бўлиб, унга бор-йўғи 0,5 фоиз етишмади. Бурун асосининг лаблар кенглигига нисбати эса 88,5 фоизни ташкил этди.
1-ўрин: Аня Тейлор-Жой
Ва ниҳоят рейтингда етакчиликни Аня Тейлор-Жой эгаллади, у 94,66 фоиз тўплаган. Зендеяга ўхшаб у ҳам 28 ёшда. Анянинг энг кучли хусусияти кўзларининг жойлашуви бўлиб, у 98,9 фоизни ташкил этди. Энг кам баллни лаблари тўплаган — 92 фоиз.
Изоҳ (0)