Экранда шунчаки роль ижро этаётган айрим жуфтликларнинг муҳаббати шунчалар ишончли кўринадики, томошабинлар уларни чин деб қабул қилади. Шунинг учун ҳам уларга сюжети турли хил, аммо айнан жуфтлик тарзида иштирок этиш таклифи тушади. Ижро маҳорати бир-бирига чамбарчас бўлган актёр ва актрисалар деярли умр бўйи бу каби таклифларда қочиб қутула олмайди.
Кейт Уинслет ва Леонардо Ди Каприо
Улар илк маротаба афсонавий лайнернинг фожиаси фонида муҳаббатни тараннум этди. Жўшқин юракли қиз ва оддийгина йигитнинг муҳаббати ҳақидаги воқеа миллионлаб инсонларнинг кўзига ёш келтирди. Шунингдек, актёрларнинг ўзлари учун ҳам ушбу самимий асар уларнинг орасида мустаҳкам дўстлик ришталари боғланишига олиб келди.
Орадан ўн йил ўтиб, жуфтлик тажриба ва маҳорати ошган етук актёрлар сифатида яна жуфтлик тарзида намоён бўлди. Улар иштирок этган «Ўзгаришлар йўли» фильми сюжетига кўра, аёл оилавий муносабатлардаги қийин инқирозни бошдан кечиради, бу эса бошқа персонажларнинг характери орқали янада кучаяди. Қисқа қилиб айтганда, парда ортидаги оилавий ҳаётнинг ажойиб ва оғир дамлари акс этган фильм.
Эмма Стоун ва Райан Гослинг
Эмма ва Райан экранда уч маротаба жуфтлик сифатида кўриниш берган. Уларнинг муҳаббати шу қадар ишонарли эдики, томоншабинлар жуфтликнинг ҳаётдаги муносабати тўғрисида ҳам башорат қила бошлаган. Аммо актёрлар фақатгина қалин дўст бўлиб қолди.
Жуфтлик дастлаб «Бу аҳмоқона муҳаббат» драмасида, кейин эса «Гангстер овчилари»да ҳам ҳамкорликда роль ижро этди. Уларнинг ижодий фаолиятидаги яна бир муҳаббат воқеаси нафақат ишлаб чиқариш, балки «Оскар-2017»даги жанжаллари билан ҳам машҳурликка эришган «Ла-ла Ленд» мусиқий фильми бўлди.
Киану Ривз ва Шарлиз Терон
Ривз ва Терон икки маротаба жуфтлик ролини ижро этди. «Тотли ноябрь» фильмида қаҳрамонлар ўзларининг ёрқин туйғуларини иложи борича тўлақонли ва абадий муҳрлашга интилиб, чидаб бўлмас кучга қарши туради. Ушбу фильмда жуфтликнинг ўзига яраша маҳорати уларнинг олдига қўйилган вазифани аъло даражада уддалади. Лекин «Иблиснинг адвокати» фильмида жуфтликни бошқа бир сюжет кутиб турар эди. Энди Ривз муҳаббатни йўқ қилиш маркази бўлиб роль ижро этган. Гўзал, ёш, муваффақиятга эришган севишганлар биргаликда бахтли бўлишлари ҳам мумкин эди, аммо воқеалар бунинг акси бўлиб чиқади.
Адриано Челентано ва Орнелла Мути
Ушбу ажойиб италиялик жуфтликни барча илк бора кўргандаёқ ёқтириб қолган ва бу ҳанузгача давом этмоқда. Ажойиб юмор, романтика ва италянча эҳтиросга бой фильм томошабинларга байрамона кайфият бағишлайди.
Актёрлар ҳамкорлиги иккита фильмни дунёга келтирган. Улар «Қайсарнинг қуйилиши» комедияси ва «Девона ошиқ» севги ҳақидаги картиналардир.
Ричард Гир ва Жулия Робертс
Гир ва Жулия Золушка ҳақидаги фильмни замонавийлаштирди. Тадбиркор йигит ва кўчадаги қизнинг севгиси синчковлик билан кузатадиган томошабинларда кўплаб саволларни туғдирди. Аммо бу фильмнинг машҳурликка эришишига тўсқинлик қилмади. Кейинчалик «Қочоқ келин» фильмидаги жуфтлик аввалгидек муҳаббатга эга бўлмади, аммо картина кассабоп фильмлар қаторидан жой олди.
Том Хенкс ва Мег Райан
Ушбу ижодий ҳамкорлик ҳақиқатан ҳам яраланган қалблар учун малҳамдир. Жуфтлик илк бора «Жо вулоқнга қарши» фильмида роль ижро этди. Аммо «Сиэтлда уйқусиз» ва «Сизга мактуб бор» фильми ҳақиқий машҳурликка эришди – унда ҳеч қандай манфаат ва мураккаблик мавжуд эмас. Шунчаки илиқ ва самимий туйғулар акс этган.
Орадан 17 йил ўтиб, Мег ўзи режиссёрлигида «Итака» фильмини суратга олди. Шунингдек, бош қаҳрамон ўзи ва турмуш ўртоғини – Том ижро этди. Афсуски, фильм муваффақиятга эришмади.
Моника Белуччи ва Венсан Кассель
Кино санъатидаги энг гўзал жуфтликлардан бири, дея эътироф этилган Белуччи ва Кассель ҳаётда ҳам буни исботлади. Улар 12 йил давом этган турмуши давомида икки қиз фарзанд ва бир нечта ажойиб фильмлар тақдим этди. Улар ижросидаги севги учун кураш ҳақида мелодрама «Хонадон» ҳамда «Қайтарилмаслик» фильмида жуфтлик қаҳрамонларининг бошдан кечирган мураккаб ҳис туйғуларини энг реалистик тарзда етказишга муваффақ бўлди.
Мавзуга доир:
Изоҳ (0)