Франциянинг Марсель шаҳрида фаластинликларни қўллаб-қувватловчи маҳаллий журналист Марин Влаҳович ўлик ҳолда топилди. Бу ҳақда Al Mayadeen хабар берди.
Влаҳовичнинг жасади 25 ноябрь куни у яшайдиган уйнинг томидаги айвондан топилган. Журналистга қилинган қўнғироқлар ва юборилган хабарлар жавобсиз қолгач, хавотирга тушган дўстлари унинг жасадини аниқлаган.
Марсель прокуратураси ўлимнинг аниқ сабабини аниқлаш учун токсикологик таҳлиллар олиб борилаётгани айтди. Марҳума 39 ёшда бўлган. У 2016 йилдан 2019 йилгача Ғарбий соҳилдаги Рамаллаҳ шаҳрида фаластинликларнинг курашларини ёритгани ортидан танилган. Журналист RFI, Radio France, Lе Soir ва Швейцария радио телевидениеси (RTS) каби нашрлар билан ҳамкорлик қилган.
2019 йилда Марселга кўчиб ўтгандан сўнг, у Фаластинга қайтишга уринган ва Ғазодаги журналистлар билан алоқани сақлаб қолган. Маълумотларга кўра, Влаҳович 2024 йилда Ғазода давом этаётган геноцид ҳақида ҳужжатли фильм устида иш олиб бораётганди.
Изоҳ (0)