Саудия Арабистонининг Ар-Риёд шаҳрида 2025 йилнинг 22 февраль куни Riyadh Season томонидан ўтказиладиган профессионал бокс оқшоми иштирокчилари расман эълон қилинди.
Аҳамиятлиси, турнир кардидан биринчи яримўрта вазн тоифасида собиқ WBA чемпиони Исроил Мадримов иштирокидаги жанг ҳам ўрин олди. Ўзбекистонлик спортчи Ар-Риёддаги учинчи жангида WBC Интерим камари соҳиби, америкалик Вержил Ортис билан тўқнаш келади. Жанг 12 раундга мўлжалланган.
21 декабрда бўлиши режалаштирилган Усик — Фьюри II карди доирасида ўзбекистонлик боксчи украиналик Сергей Богачук билан тўқнаш келиши керак. Ижтимоий тармоқларда бу жанг бекор қилингани ҳақида гаплар тарқалди.
Matchroom Бохинг компанияси раҳбари Эдди Хирннинг маълум қилишича, ўзбекистонлик чарм қўлқоп устаси декабрь ойидаги жангда иштирок этади.
Маълумот учун, 29 ёшли Исроил Мадримов ҳозирга қадар 12 та жанг ўтказиб, 10 та ғалаба, 1 та мағлубият ва 1 та дуранг қайд этган.
26 ёшли Вержил Ортис Жуниор ҳисобида эса 22 та ғалаба бор. У сўнгги жангида Мадримовнинг бўлажак рақиби Богачукни очколар ҳисобига кўра таслим этганди.
Изоҳ (0)