Халқаро жиноий суд (ХЖС) прокурори Карим Хон Россия президенти Владимир Путинни ҳибсга олишга ордер бериш ҳақидаги қарор қандай қабул қилинганини гапириб берди.
ХЖС 2023 йил март ойида Путин ва Россиядаги болалар ҳуқуқлари бўйича комиссар Мария Львова-Беловани ҳибсга олиш учун ордер берган эди. Улар Украинадаги уруш пайтида содир этилган ҳарбий жиноятларда гумон қилинган.
Москва ХЖСнинг Путинни ҳибсга олишга ордер бериш ҳақидаги қарорини қонуний асоссиз деб атаган. Россия Тергов қўмитаси ХЖС прокурори ва судьяларига қарши жиноий иш қўзғатган, Путиннинг жиноий жавобгарликка тортилиши “шубҳасиз ноқонуний” эканини айтган.
Карим Хон Россиянинг Украинага бостириб кириши унга бошқа танлов қолдирмаганини маълум қилган. Унинг сўзларига кўра, Украина томони ундан 2021 йилда Украина бош прокурори билан учрашганида Россиянинг хатти-ҳаракатлари юзасидан текширув ўтказишни сўраган. Прокурорнинг айтишича, у Путиннинг Украинага бостириб киришга қарор қилишига ишонмаган.
“Бу жуда ачинарли. Хавфсизлик Кенгашининг доимий аъзоси, Россия — фашизм устидан қозонилган ғалабада муҳим рол ўйнаган, БМТнинг асосчиларидан бири. Бу қарор менга ҳеч қандай қувонч келтирмаган. БМТ Хавфсизлик Кенгашининг муҳим аъзоси Путинга қарши ҳибсга олиш учун ордер берилиши қайғули бўлган”, дея давом этган прокурор.
Россия Гаагадаги Халқаро жиноий судни тан олмайди ва унинг юрисдикциясига амал қилмайди. Аммо Владимир Путин Рим статутини имзолаган ҳамда ХЖС буйруқларини бажаришга, мамлакатларга халқаро сафарларни рад этишга мажбур бўлган. Путин 2023 йил июль ойида гарчи мамлакат расмийлари уни ҳибсга олмасликларини айтган бўлса-да, Жанубий Африкадаги БРИКС саммитига бормаган.
Аввалроқ у Монголияга ташриф буюрган эди, у ерда Путин дўстона кутиб олинган.
Карим Хон Манголия нега ХЖС буйруғини эътиборсиз қолдирганини тушунтириши кераклигини таъкидлаган.
“Музокара жараёни суд доирасида давом этмоқда. Мен ҳеч нарсани олдиндан тахмин қилмоқчи эмасман бу масала судьялар ва Манголия ҳукумати ўртасида ҳал қилинмоқда”, дейди у.
BBCънинг “Владимир Путин қачондир Гаагадаги суд маҳкамасига тушишига ишонасизми?” деган саволига Хон собиқ Югославия мисолини келтириб жавоб берган:
“Собиқ Югославия трибунали Каражич ва Младични ҳибсга олишга ордер сўраганида, Серра-Леоне бўйича Махсус суд собиқ президент Чарльз Тейлорни ҳибсга олишга ордер берганида одамлар кулишган эди, бироқ ўз мамлакатида ва минтақада катта ҳокимиятга эга бўлган бу одамлар охир-оқибат судлов маҳкамасида ўтиришди”, дейди Карим Хон.
Ҳозирда ХЖС ҳибсга олмоқчи бўлган энг юқори мартабали шахслар Владимир Путин, Исроил бош вазири Биньямин Нетаньяху ва Исроил мудофаа вазири Йоав Галантдир.
Хон, шунингдек, ҲАМАСнинг уч нафар етакчисини ҳибсга олиш учун ордер берган, бироқ улардан иккиси Ғазодаги ҳарбий ҳаракатларда ҳалок бўлган эди.
Изоҳ (0)