“Ядро уруши бўлади, Исроил ҳаммани бомбардимон қилишни яхши кўради” — америкалик журналист

Эрон ва Исроил ўртасидаги зиддиятнинг кучайиши, Ғазодаги уруш Яқин Шарқда минтақавий миқёсда олдиндан айтиб бўлмас таҳдидларни юзага келтириши мумкин. Исроил ядро қуролига эгалиги, Эрон ҳам шундай қуролни яратиш учун етарли даражада уранни бойитаётгани ҳақидаги хабарлар глобал вазият жиддийлашганига ишора қилади.

2001 йилда америкалик телебошловчи Алекс Жонс телекўрсатувларидан бирида Исроил ядро уруши бошлаши мумкинлигини прогноз қилганди. У фаластинликларни қўллаб-қувватламаслиги, лекин Исроилнинг фаластинликларга нисбатан ғайриинсоний ҳаракатларини оқлаб бўлмаслигини таъкидлаган.

“Исроил фаластинликларни қорамол, ит ёки ғайриинсоний деб атайди. Улар конслагерларда сақланади. Менда улар фаластинлик аёллар эккан помидорларни олиб, сув идишларини синдиргани акс этган видео бор. Бемаънилик шундай пайдо бўлади, болаларимиз ўлади, чунки ядровий бомба портлатишади. Ҳозир Эрон ядро қуролига эга, Сурия ҳам. Бизда ядро уруши бўлади. Чунки Исроил ҳаммани бомбардимон қилишни яхши кўради”, — деган Жонс.

У юқоридаги маълумотлар факт экани, Исроил ҳамма нарсани портлатиш, ҳужум қилиш ҳақида баёнот беришини айтган ва бомба кимнинг бошига қулашини ўйлаб кўришга чақирган.

“Йиллар давомида Исроилни қўллаб-қувватлашга собит бўлганман. Бироқ, улар фаластинлик ёш боланинг жинсий аъзосига ўқ узиб, уни видеога олиб, масхара қилганини кўрганимда ишончим қолмаган. Тахминан 10 ёшли фаластинлик бола танкларга тош отиб айланиб юрганида, бир йигит ярим милда тўхтаб, унга қарата ўқ узган. Ушбу ҳукуматни қўллаб-қувватловчи араб ҳукуматлари тартибсизликдан тартиб ўрнатиш учун мураккаб “Гегел диалектикаси”дан фойдаланмоқда. Бу дунёда инқирозлар ва терроризмга олиб келади, шунда биз ўта диктатор полиция режимини қабул қиламиз. Бу ҳозир содир бўлмоқда”, — деган у.

Ўз навбатида, Усама бин Ладенга ҳужум бўлишини башорот қилган америкалик назариётчи, радио бошловчи Милтон Виллиан Исроил ҳақида қуйидагиларни айтган. Унинг башорати 2001 йил 11 сентябрдаги фожиали воқеалар билан амалга ошган. 

“Исроил Армагеддон жангини (яхшилик ва ёвузлик кучлари ўртасидаги сўнгги жанг сифатида тасвирланган) олиб бориш мақсадида қурол сифатида яратилган...Уларга урушни тўхтатишнинг ягона йўли халқлар суверенитетини йўқ қилиш ва ягона инсоният сифатида ягона ҳукуматда бирлашиш экани айтилади”, — деган эди назариётчи Виллиам.