Fransiyaning Marsel shahrida falastinliklarni qo‘llab-quvvatlovchi mahalliy jurnalist Marin Vlahovich o‘lik holda topildi. Bu haqda Al Mayadeen xabar berdi.
Vlahovichning jasadi 25-noyabr kuni u yashaydigan uyning tomidagi ayvondan topilgan. Jurnalistga qilingan qo‘ng‘iroqlar va yuborilgan xabarlar javobsiz qolgach, xavotirga tushgan do‘stlari uning jasadini aniqlagan.
Marsel prokuraturasi o‘limning aniq sababini aniqlash uchun toksikologik tahlillar olib borilayotgani aytdi. Marhuma 39 yoshda bo‘lgan. U 2016-yildan 2019-yilgacha G‘arbiy sohildagi Ramallah shahrida falastinliklarning kurashlarini yoritgani ortidan tanilgan. Jurnalist RFI, Radio France, Le Soir va Shveysariya radio televideniyesi (RTS) kabi nashrlar bilan hamkorlik qilgan.
2019-yilda Marselga ko‘chib o‘tgandan so‘ng, u Falastinga qaytishga uringan va G‘azodagi jurnalistlar bilan aloqani saqlab qolgan. Ma’lumotlarga ko‘ra, Vlahovich 2024-yilda G‘azoda davom etayotgan genotsid haqida hujjatli film ustida ish olib borayotgandi.
Izoh (0)