“Кунг-фу панда 4” ҳамда “Годзилла ва Конг” фильмлари 500 миллион доллар даромадга чиқди

“Кунг-фу панда 4” анимацион фильми жаҳон прокатида расман 500 миллион доллардан ортиқ (503,5 миллион доллар) даромад келтирди. “Годзилла ва Конг: Янги империя” блокбастери эса ушбу рекорд даражасидан ўтиб, 519,3 миллион доллар фойдага эга бўлди.

Universal ва DreamWorks компанияси маҳсули бўлган Панда ҳақидаги франшизанинг тўртинчи қисми ўзининг иккинчи (47,6 миллион доллар) ва учинчи (41,2 миллион доллар) фильмидан ҳам юқорироқ кўрсаткичга эришди.

Мазкур лойиҳа АҚШда 185 миллион доллар, халқаро миқёсда 318,5 миллион доллар тўплади. Унда актёрлардан Жек Блэк, Авквафина, Брайан Крэнстон, Виола Дэвис ва бошқалар овоз  беришда иштирок этган. 2008 йилда илк бор намойиш этилган “Кунг-фу панда” франшизаси умумий ҳисобда 2,3 миллиард долларни ишлади ва бу рақамлар ўсиб бормоқда.

“Янги империя” фильми “Годзилла Конгга қарши” (2021) фильмининг мантиқий давомидир. Америкада мазкур фильм 181,6 миллион, хорижда эса 337 миллион доллар даромадга чиққан.