Фантастикани севувчи томошабинлар учун кино оламида фақатгина «Гарри Поттер» франшизаси эмас, балки бир-биридан ажойиб сюжетга эга фильмлар мавжуд. Уларнинг бир қанчасини эътиборингизга ҳавола этамиз.
«Доктор Стренж»
Эҳтимол, бу рейтингдаги энг машҳур фильмлардан биридир. Британиялик актёр Бенедикт Камбербетч ўйнаган Доктор Стивен Стренж «Гарри Поттер»нинг эскироқ ва анча кучли версиясига ўхшайди. Ҳогвартснинг блокбастердаги ўрнини сирли Тибет ибодатхонаси эгаллайди, у ерга бош қаҳрамон ўз қўлларини даволатиш учун келади. Натижада у қадимий ғайритабиий кучларга эга бўлади ва Ер юзида яшовчи энг кучли сеҳргарга айланади. Умуман олганда, «Доктор Стренж»нинг сюжети классик фантазияга бой воқеалар билан ривожланади: Стивен доно мураббийга айланади, даҳшатли рақибга дуч келади ҳамда содиқ дўстлар топади.
«Перегрин хоним уйининг ғайриоддий болалари» (2016)
Тим Бертоннинг «Перегрин хоним уйининг ғайриоддий болалари» фильми сеҳрли элементлар билан ноанъанавий фантазия излаётганлар учун айни муддао. Сюжет марказидан ажойиб кучга эга ўсмирлар гуруҳи жой олган. Уларнинг барчаси сирли Перегрин хонимнинг (Эва Грин) қандайдир яширин жойда жойлашган ва дунёнинг қолган қисмига кўринмайдиган уйида пайдо бўлади. Перегрин хонимнинг талабаларга бўлган самимий меҳр-муҳаббати Дамблдорнинг Ҳогвартс талабаларига бўлган муносабати билан жуда ўхшаш. Эйси Баттерфилднинг актёрлик маҳорати эса Редклиффникидан ҳеч ҳам кам эмас.
«Соатли уй сири» (2018)
«Соатли уй сири» комедик фантазияси бош қаҳрамонининг ҳикояси кўп жиҳатдан Гарри Поттернинг таржимаи ҳолига мос келади. Ота-онаси автоҳалокатда фожиали вафот этганидан сўнг 10 ёшли Льюис Барнавелт (Оуэн Ваккаро) Мичиган штатида амакиси Жонатан билан яшашга келади. Яхшиямки, бу амаки Вернон Дурслига умуман ўхшамайди. У кўпроқ Гарри Поттернинг чўқинтирган отаси Сириус Блекни эслатади. Жонатан ролини Жек Блек ижро этгани ҳам бежиз эмас. Маълум бўлишича, амакиси аслида сеҳргар ва дунёнинг охирини тўхтатишга ҳаракат қилмоқда, бунда унга Кейт Бланшетт тимсолидаги мафтункор жодугар ёрдам беради. Йўлда Льюис ҳам сеҳргарликни ўрганишни бошлайди ва беихтиёр ёвузликнинг ухлаб ётган кучларини уйғотиб юборади.
«Бўлажак қирол»
Қирол Артур ҳақидаги афсонага асосланган яна бир эпик фантазия. Шу билан бирга, фильм воқеалари замонавий дунёда содир бўлади: 12 ёшли болакай Алекс (Луис Эшборн Серкис) тасодифан афсонавий Экскалибурни топиб олади ва ўз ўрнига ўринбосар излаётган Мерлин эътиборини тортади. Гарри Поттердан фарқли ўлароқ, Алекс бутунлай оддий тақдирга эга ва бир қарашда эътиборга олинмайдиган бола. Воқеалар ривожига қарамай, қаҳрамон камдан кам учрайдиган олижаноблик ва самимий меҳр-оқибатни намоён этади, бу пировардида устози томонидан меҳр ва ҳурматга сазовор бўлади.
«Кичик жодугар» (1989)
«Кичик жодугар» 1989 йилда суратга олинган. Бош қаҳрамон 15 ёшли ўрта мактаб ўқувчиси Луиза Миллер бўлиб, у ўзига кучли жодугарнинг руҳи кўчиб ўтганлигини тасодифан билиб олади. Қиз сирли туморни топади ва ундан истакларини амалга оширадиган мўъжизавий кучларни олади. Табиийки, воқеаларнинг бундай ривожланиши яхшиликка олиб келмайди, Луизанинг жодугарликдан ҳафсаласи пир бўлиб қолади ва оддий америкалик мактаб ўқувчиси ҳаётида яшашга қарор қилади. Агар Гарри Поттер «Феникс ордени» воқеаларидан кейин Ҳогвартсга қайтишдан бош тортганида, шунга ўхшаш нарса содир бўлиши мумкин эди.
«Жодугарлик» (1996)
Фильм воқеаси ғалати маросим ёрдамида ўзларининг эзгу орзуларини рўёбга чиқаришга ҳаракат қилаётган тўрт нафар ўрта мактаб қизлари атрофида содир бўлади. Фильмнинг «Гарри Поттер» билан деярли ўхшашлиги йўқ. Аммо иккита асосий қаҳрамоннинг жанги беихтиёр Гриффиндор ва Слизерин ўртасидаги абадий қарама-қаршиликка ўхшайди. Қандай бўлмасин, «Жодугарлик» фильми қора афсун ўйинларга олиб келиши мумкин бўлган ажойиб мисолдир.
«Перси Жексон ва чақмоқ ўғриси» (2010)
Бир неча йил олдин Рик Риорданнинг машҳур фантазия романлари серияси «Гарри Поттер» китоблари билан рақобатлаша олди. Афсуски, фильмлар ҳақида бундай деб бўлмайди. Бироқ «Перси Жексон ва чақмоқ ўғриси»да ҳам сеҳрли мактаб, турли хил афсонавий йиртқич ҳайвонлар ва ажойиб харизматик белгилар мавжуд. Энг муҳими, мазкур фильм америкалик режиссёр Крис Колумб томонидан суратга олинган.
Изоҳ (0)