Қуйидаги актёрлар йиллар давомида кастингларга боришади, шундай майда-чуйда ролларга эга бўлишадики, ҳатто энг синчков томошабин ҳам уларни пайқай олмасди, кейин эса ўз мақсадларига эришади – улар машҳур бўлишади.
Гвендолин Кристи — харидор
Биринчи марта актриса “Доктор Парнассуснинг хаёлоти” (2009) фильмида оддий мижоз ролида пайдо бўлади, ўша пайтда у 30 ёшда эди. Бунгача Кристи 2 йил давомида фақат қисқа метражли фильмларда суратга тушган. Аммо шундан кейин унинг карераси юқорига кўтарилди: 2 йилдан сўнг актриса “Тахтлар ўйини”да рол ўйнади ва бир йилдан сўнг бутун дунёга машҳур бўлди.
Стив Карелл – Тесио
Стив Кареллнинг кинокарераси “Жингалаксоч Сю” (1991) комедиясидаги эпизодик ролдан бошланади. Орадан 14 йил ўтгачгина “Офис” ва “Қирқ ёшли бокира” фильмларининг муваффақияти актёрни юлдузга айлантирди.
Гвинет Пелтроу — Венди
Гвинет “Капитан Ҳук” (1991) фильмида эпизодик рол ўйнайди. У фақат Питер Беннинг (катта Питер Пен) хотиралари билан боғлиқ қисқа саҳнада пайдо бўлади. 4 йилдан сўнг детективнинг хотини ролини ўйнаган “Етти” триллери туфайли машҳур бўлади.
Марго Робби — Кассандра
Голливуд гўзалининг катта экрандаги дебюти 2008 йилда “Вигилантлар” фильмидаги эри ўлими учун қасос олмоқчи бўлган жабрланувчи роли эди. Аммо 5 йилдан сўнг Марго “Уолл-стрит бўриси” фильмидаги Наоми ролига танланади ва актриса қисқа вақт ичида машҳур бўлади.
Силвестр Сталлоне — метродаги безори
Сталлоне 1969 йилда актёрлик фаолиятини бошлаган, аммо омади келмайди. Шунинг учун у ҳайвонот боғида официант ва фаррош бўлиб ишлайди. 1971 йилда Вуди Аллен билан “Бананлар” комедиясида безори ролини олади, бу рол актёрга ишонч бағишлайди. Бироқ 1972 йилга келиб Сталлоне кинони тарк этишга тайёр эди, фақат 4 йил ўтгачгина “Рокки”нинг ажойиб муваффақияти узоқ муддатли омадсизликларни тўлдиради.
Ченнинг Тейтум
Ченнинг Тейтум дастлаб моделликда ўзини синаб кўради. Бунинг ортидан реклама соҳасида ишлайди ва “C.С.I: Майамидаги жиноят жойини текшириш” (2004) сериалида кичик рол ўйнайди.
2006 йилда Тейтум бир вақтнинг ўзида иккита муваффақиятли фильм — “У эркак” ва “Олға”да рол ўйнайди, бу эса уни юлдузга айлантиради.
Эмма Стоун – Шеннон
Эмманинг карераси дастлаб яхши ривожланмаган. 2004 йилда у реалити-шоуда иштирок этади, аммо лойиҳа синовдан ўтгандан кейин бекор қилинади. “Қаҳрамонлар” (2007) телесериали учун кастингга боради, аммо муваффақиятсизликка учрайди. Кейинчалик “Драйв” телесериалида рол ўйнайди, аммо у 7-қисмдан кейин ёпилади. Бу вақт ичида экранга чиққан ягона сериал — бу “Омадли Луи” (2006) бўлиб, унда у исёнкор қиз Шеннон ролини ўйнайди.
Кейин унинг карераси юқорига кўтарилади ва “Ла Ла Ленд” фильмидаги роли “Оскар” олиб келди.
Жулия Робертс — Полли Уилер
Жулиянинг акаси, актёр Эрик Робертс кино саноатида ишлаган бўлишига қарамай, актрисанинг юлдузликкача бўлган йўли ҳам осон бўлмаган. Биринчи “Ёнғин бригадаси” (1987) фильмида бўлажак актрисани ҳатто титрларда кўрсатиш ҳам зарур деб ҳисобланмаган. Ўша йили у акаси билан фильмда рол ўйнайди: унга бир неча сўз ишониб топширилган ва фильмнинг ўзи атиги 2 йил ўтгач чиқарилган. Аммо 1990 йилда Жулия “Гўзал аёл” фильми туфайли бутун дунёга машҳур бўлди.
Метю Макконаҳи — кинотеатрдаги йигит
Метюга “Ўзга дунёлик йигит” (1993) фильмида кинотеатрдаги томошабин роли берилганида у бир кун келиб одамлар унинг иштирокида фильмлар томоша қилишларини кутмаган бўлса керак. Аммо 3 йил ўтгач, йигит “Ўлдириш вақти” драмасида бош ролга таклиф қилинади. Бу фильм Метюни машҳур қилади ва унга нуфузли мукофот олиб келади.
Жек Блек — Рожер Дэвис
Жек карерасини 13 ёшида телевидение рекламасида рол ўйнашдан бошлаган. Аммо кейинги 10 йил ичида унга телешоуларда ва катта экранда фақат кичик роллар берилади. Блек “Боб Робертс” (1992) фильмида иккинчи даражали ролга тайинлангандан кейин жиддийроқ роллар берилади.
Орадан 8 йил ўтиб чиққан “Фанатик” фильми муваффақияти эса актёрнинг бош ролларни ўйнашига сабаб бўлди ва охир-оқибат уни юлдузга айлантирди.
Изоҳ (0)