Мазкур фильмларнинг айримлари нафақат кайфиятингизни кўтаради, балки ёшлигингизнинг бир бўлагини ёдингизга солади.
“Яхши йигитлар” (2016)
- Жанр: криминал, комедия, жангари
- Режиссёр: Шейн Блек
- Ролларда: Райан Гослинг, Ким Бейсингер, Расселл Кроу, Ангури Райс, Метт Бомер
Райан Гослинг ва Расселл Кроу 70 йилларда Лос-Анжелесда ғойиб бўлган машҳур юлдуз Мисти Маунтинсни топишга ҳаракат қилаётган шахсий детектив ролини ўйнайди.
“Таътиллар алмашганда”(2006)
- Жанр: мелодрама, комедия
- Режиссёр: Ненси Мейерс
- Ролларда: Камерон Диас, Кейт Уинслет, Жуд Лоу, Жек Блек, Эли Уоллак
Турли қитъалардан ва бутунлай бошқача ҳаётга эга бўлган, лекин романтик масалаларда жуда ўхшаш муаммоларга эга бўлган икки қиз тасодифан интернет орқали танишиб, Рождество арафасида уй алмашишга қарор қилишади. Ғоя иккаласи учун ҳам кутилмаган сюжетга айланади: ғамгин ва кундалик муаммолардан дам олишга умид қилган қаҳрамонлар ниҳоят ўз бахтларини топади. Мўжизага ишониш нима эканлигини аллақачон унутганлар учун яхши фильм.
“Брижит Жонснинг кундалиги” (2001)
- Жанр: комедия, мелодрама, драма
- Режиссёр: Шерон Магуайр
- Ролларда: Рене Зеллвегер, Колин Ферт, Хью Грант, Жим Броадбент, Жемма Жонс
Брижит Жонс (Рене Зеллвегер) ёлғиз яшайдиган, ишида муаммолари кўп, сигарет ва спиртли ичимликларга қарам, ортиқча вазнли журналист. Шахсий ҳаёти ҳам ҳавас қиларли даражада эмас. Янги йил қарори сифатида Брижит ҳаётини назорат қилишни ўз зиммасига олишга қарор қилади ва у ҳар доим ҳақиқатни ёзиб борадиган кундалик тутишдан бошлайди. Тўсатдан унинг келишган бошлиғи (Хью Грант) қизга эътибор қаратади, лекин адвокат (Колин Ферт) доим унинг йўлига тўғоноқ бўлаверади. Аёл бўлиш баъзан қийин ва айни пайтда ёқимли эканлиги ҳақидаги жуда самимий комедия.
“Жентлменлар” (2019)
- Жанр: жиноий, комедия, жангари
- Режиссёр: Гай Ричи
- Ролларда: Метю Макконаҳи, Чарли Хуннам, Генри Голдинг, Хью Грант, Мишел Докери
Британиялик режиссёр Гай Ричининг ўн биринчи бадиий фильми. Фильмда бош ролларни Метю Макконаҳи, Чарли Хуннам, Генри Голдинг, Мишел Докери, Жереми Стронг, Эдди Марсан, Колин Фаррел ва Хью Грант ижро этган. Фильм Англияда ўз бизнесини йўлга қўймоқчи бўлган америкалик улгуржи каннабис сотувчисининг жиноий схемалари ҳақида ҳикоя қилади.
“Қочоқ келин” (1999)
- Жанр: мелодрама, комедия
- Режиссёр: Гарри Маршалл
- Ролларда: Жулия Робертс, Ричард Гир, Гектор Элизондо, Рита Уилсон
Гарри Маршаллнинг Жулия Робертс ва Ричард Гир ўйнаган “Қочоқ келин” фильми кассада муваффақиятга эриша олмаса ҳам кўплаб томошабинлар қалбидан жой олган. Бош қаҳрамоннинг ғалати ҳоббиси бор: тўйлардан қочиш. Унинг бу севимли машғулоти журналист йигитни қизиқтириб қўяди ва у қочоқ келинни қидиришга тушади.
“Догма” (1999)
- Жанр: фантастика, драма, комедия, саргузашт
- Режиссёр: Кевин Смит
- Ролларда: Бен Аффлек, Метт Деймон, Линда Фиорентино, Салма Хаек, Жейсон Ли
Фильмда католик черкови сатира остига олингани учун баъзи мамлакатларда тақиқланган, фильм режиссёри Кевин Смит эса бир неча таҳдид хатлари олган. Фильм жаннатдан қувилган икки фаришта (Бартлби ва Локи) саргузаштлари, уларнинг яна жаннатга қайтиш учун қиладиган ҳаракатлари ҳақида ҳикоя қилади.
“Қоидалар ёки қоидаларсиз севги” (2003)
- Жанр: драма, мелодрама, комедия
- Режиссёр: Ненси Мейерс
- Ролларда: Жек Николсон, Даян Китон, Kиaну Ривз, Френсис МакДорманд, Amanda Пит
“Ота-оналар учун тузоқ” ва “Таътиллар алмашганда” режиссёри Ненси Мейерснинг яна бир ажойиб комедияси. Фильмда афсонавий Жек Николсон, Amanda Пит ва Kиaну Ривз иштирок этган. Фақат 30 ёшгача бўлганлар билан учрашишни маъқул кўрадиган кекса бўйдоқ ўз маъшуқасининг онаси, ёзувчи Эрика билан танишиб қолади ва у бутун умрини бирга ўтказишни хоҳлаган аёл эканлигини тушунади.
“Барби” (2023)
- Жанр: комедия, саргузашт, фантазия
- Режиссёр: Грета Гервиг
- Ролларда: Марго Робби, Райан Гослинг, Америка Феррера, Ариана Гринблатт, Кейт МакКиннон
Марго Робби ва Райан Гослинг иштирокидаги саргузаштли комедия. Ҳикояда Барби ажойиб Барбилендда яшайди, у ерда кийим алмаштиришдан, зиёфатлар уюштиришдан ва доимо завқланишдан бошқа ҳеч нарса қилмайди. Бир куни қаҳрамон ўлим ҳақидаги ўйлаб қолади ва унинг баланд пошнали туфлига мослаштирилган оёқлари бирдан текис бўлиб қолади. Нима бўлаётганини тушуниш ва эски пластик дунёга қайтиш учун Барби ҳақиқатга етиши, ўз эгасини топиши керак.
Изоҳ (0)