Британиялик ёзувчи Клайв Льюиснинг сеҳрли Нарния ўлкаси ҳақидаги асари асосида суратга олинган фильм бир неча йиллардан буён ўз мухлисларига эга. Фильмнинг “Арслон, жодугар ва жавон” ва “Шаҳзода Каспиан” қисмларидаги Люси Певенси ролини ижро этган кичкинтой қизалоқ кўплаб томошабинларда ижобий таассуротлар қолдирган эди.
Кастингда бу ролга деярли икки мингга яқин бошқа даъвогарларни четлаб ўтган 10 ёшли британиялик Жоржи Ҳенли фильмдаги роли учун бирданига иккита: Phoenix Film Critics Society вa Young Artist мукофотларини қўлга киритган.
Актриса Жоржи Ҳенли бош ролни ижро этган актёрлар орасидаги энг кичиги эди, фильмнинг суратга олиш ишлари бошланганда актриса саккиз ёшда бўлган.
Сўнг у ўқишни давом эттирди ва Кембриж университети қошидаги Клер коллежида инглиз тили ва адабиётидан таҳсил олди. Аммо Ҳенли кинони тарк этмади. У театр да ишлай бошлади ва тез орада экранларга қайтди. 2019 йилнинг май ойида Ҳенли “Испан маликаси” тарихий сериалида Маргарет Тюдор ролини ижро этди.
Актриса кино фаолиятидан ташқари шеърлар ҳам ёзиб туради. Унинг асарлари турли журналларда нашр ҳам этилган.
Изоҳ (0)