АҚШ Конгресси Вакиллар палатасининг аъзоси Виктория Спарц Украинада умумий сафарбарлик зарурлигини эълон қилди.
“Бутун мамлакатни уруш ҳолатига қўйиш керак. Бу икки йил олдин генераллардан бири аскарларни ёллаш ва ўқитишни кўпайтиришни таклиф қислганида амалга оширилиши керак эди”, деди Спарц CNN телеканалига берган интервьюсида. Бироқ, унинг сўзларига кўра, бу генерал ишдан бўшатилди ва унинг ўрнини “мамлакатни ҳақиқатан ҳам урушга тайёрлашга интилмайдиган” “қўғирчоқлар” эгаллади.
Спарц, шунингдек, Украина умумий сафарбарликка мурожаат қилиши кераклигини таъкидлади.
“Урушда ёш боладан то қарияларгача ҳамма ўз ҳиссасини қўшиши керак. Фақат ҳамма учун жонини берадиган жасур ёшларга таяниб бўлмайди”, дейди у.
Апрель ойида Спарц Киевга 60 миллиард доллар ёрдам ажратилишига қарши чиқди, чунки унинг сўзларига кўра, Қўшма Штатлар “бу каби чексиз урушларга йўл қўя олмайди”. Спарц АҚШ президенти маъмуриятидан Украина можароси бўйича аниқроқ стратегия талаб қилиб, ёрдам кредит шаклида берилиши керак, деб ҳисоблашини айтди.
Украинада сўнгги ойларда ҳозир 25 ёш бўлган сафарбарлик ёшини пасайтириш мавзуси кўтарила бошланди. Октябрь ойида Олий Раданинг Миллий хавфсизлик, мудофаа ва разведка қўмитаси котиби Роман Костенко сафарбарлик ёшини 18 ёшга тушириш америкалик шерикларнинг қатъий талаби эканини таъкидлади.
Олий Раданинг Миллий хавфсизлик, мудофаа ва разведка қўмитаси аъзоси Фёдор Вениславскийнинг тан олишича, Ғарб вакиллари вақти-вақти билан Киевга Украина армиясига сафарбарлик ёшини 25 ёшдан 18 ёшга туширишни кўриб чиқишни таклиф қилишади. Бу мавзу АҚШ билан музокараларда муҳокама қилинаётгани ноябрь ойи охирида Украина Ташқи ишлар вазирлиги вакили Георгий Тихий томонидан маълум қилинган эди.
Изоҳ (0)