Сўнгги ҳафталарда Европа давлатлари ўз қўшинларини Украинага юбориш эҳтимолини муҳокама қилмоқда. Бу ҳақда манбаларга таяниб, Le Monde хабар берди.
Гап биринчи навбатда Франция ва Буюк Британия ҳақида кетмоқда. Бу масала 2024 йил февраль ойида ҳам муҳокама қилинган. Бироқ Европа иттифоқининг барча давлатлари ҳам таклифни қўллаб-қувватламаган.
Le Monde манбасига кўра, Франция ва Британия ўртасида Россия-Украина можароси доирасида “мудофаа соҳасидаги ҳамкорлик” бўйича музокаралар олиб борилмоқда. Бунга 11 ноябрь куни Британия бош вазири Кир Стармернинг Францияга ташрифи туртки бўлган. Ҳозирда музокаралар “махфий тарзда” кечмоқда.
Ғарб қўшинларини урушга юбориш Европа иттифоқининг 2025 йил январида Дональд Трамп президентлик лавозимини эгаллаганидан сўнг АҚШ Украинага ёрдамни қисқартириши мумкинлиги ҳақидаги хавотирларига боғлиқ.
Ғарб қўшинларини Украинага юбориш масаласи
2024 йил февраль ойида Франция президенти Эммануэль Макрон биринчи бўлиб Европа қўшинларини Украинага юбориш мумкинлигини айтганди. Бироқ Европанинг барча мамлакатлари унинг фикрини қўллаб-қувватламаган.
Масалан, Германия бунга қарши чиққан. 2024 йил ноябрь ойида Эстония ташқи ишлар вазири Маргус Цаҳкна ушбу вариантдан можаро тугаганидан сўнг Украина хавфсизлиги кафолати сифатида фойдаланишни таклиф қилган. Россия президенти Владимир Путин Ғарб ҳарбий инструкторлари ва маслаҳатчилари аллақачон Украина ҳудудида эканини таъкидлаганди. Бироқ Россиянинг ўзи ҳам Шимолий Корея ҳарбийлари урушга жалб қилган.
Шимолий Корея ҳарбийлари Россия армияси сафида жанг қилмоқда
Украина, Жанубий Корея ва АҚШ разведкаси урушда иштирок этиш учун Шимолий Корея ҳарбийлари Россияга юборилгани ҳақида бир неча бор хабар берганди. Пхеньяннинг бундай хатти-ҳаракати БМТда хавотирга, НАТО ва Европа иттифоқи томонидан танқидга сабаб бўлган.
КХДР кучларининг бир қисми қарши ҳужумда иштирок этиш учун Украина билан чегарадош Курск вилоятига юборилган. Шимолий Корея ҳарбийлари аллақачон ушбу ҳудудда йўқотишлар олиб бормоқда, деган Украина президенти Владимир Зеленский.
Изоҳ (0)