26 июль, шанба куни Бирлашган Араб Амирлигининг Абу-Даби шаҳрида UFC on ABC 9 турнири ўтказилмоқда. Ушбу мусобақа доирасида маҳаллий жангчи Муҳаммад Яҳё ва америкалик Стивен Нгуэн ўртасида баҳсда ўзига хос натижа қайд этилди. Ушбу тўқнашув UFC тарихидаги рекорд даражадаги нокдаунлар сони билан мухлисларнинг ёдида қолди — Нгуэн жанг давомида жами олти марта рақибини нокдаун ҳолатига туширди.
Шундан кейин ҳакамларнинг якдил қарорига кўра, жанг техник нокаут (шифокор аралашуви орқали тўхтатилган) билан якунланди ва ғалаба америкалик жангчига берилди.
Эслатиб ўтамиз, турнирнинг марказий жанги австралиялик UFC’нинг ўрта вазн тоифасидаги собиқ чемпиони Роберт Уиттакер ва Оне Championship промоушенининг ўрта ва ярим оғир вазндаги собиқ чемпиони, нидерландиялик Рене де Риддер ўртасида бўлиб ўтади. Шунингдек, ушбу турнирнинг асосий кардида ўзбекистонлик аралаш жанг санъати устаси Богдан Гусков ҳам октагонга чиқади. У ярим оғир вазн тоифасида россиялик Никита Крилловга қарши жанг қилади.
Изоҳ (0)