АҚШ Фавқулодда вазиятларни бошқариш федерал агентлиги (FEMA) мигрантларни сақлаш марказлари қуриш учун штатларга 608 миллион доллар ажратилишини маълум қилди. Мазкур маблағлар Трамп маъмуриятининг ноқонуний муҳожирларни сақлаш қувватини кенгайтириш сиёсати доирасида ажратилмоқда.
FEMA бу мақсадда DSGP грант дастурини ишга туширади. Унинг доирасида штатлар вақтинчалик сақлаш иншоотларини қуриш харажатларини қоплашлари мумкин. Аризалар 8 августгача топширилиши керак бўлади.
Трамп маъмурияти бир неча ойдан бери штатларни ўз ҳудудларида мигрантлар учун сақлаш марказлари қуришга ундаб келмоқда. Янги дастур ушбу ташаббусни молиявий жиҳатдан қўллаб-қувватлаш имконини беради. FEMA маблағларни АҚШ божхона ва чегара хизмати (CBP) билан ҳамкорликда тарқатади.
Флорида мисоли
Флорида губернатори Рон ДеСантис штат Alligator Alcatraz деб номланган янги марказ қуриш харажатларини қоплаш учун FEMAʼдан маблағ сўрашини тасдиқлади. Ички хавфсизлик департаменти маълумотига кўра, ушбу марказнинг йиллик харажати 450 миллион долларни ташкил қилади.
Изоҳ (0)