НАТО Парламент ассамблеяси Украина Қуролли кучларига ўрта масофага учувчи ракеталарни топширишга чақирди, дейилади альянс матбуот хизмати эълон қилган ҳужжатда.
“Ассамблея Украинани ўзини ҳимоя қилиш учун барча воситалар, жумладан, ўрта масофага учувчи ракеталар билан таъминлашга чақиради”, дейилади материалда.
Қайд этилишича, НАТО Украинага ҳарбий ёрдамни кучайтириш ҳамда ўқ-дорилар ва замонавий қурол-яроғ тизимлари, жумладан, ҳаво ҳужумидан мудофаа тизимлари, узоқ масофали юқори аниқликдаги қуроллар ва кўп мақсадли қирувчи самолётлар етказиб беришни ҳам қўллаб-қувватлайди.
Москва Украинага қурол етказиб бериш вазиятни ўнглашга халақит бермоқда, НАТО давлатларини можарога бевосита жалб қилмоқда, деб ҳисоблайди. Россия ташқи ишлар вазири Сергей Лавровнинг таъкидлашича, Киев учун қурол бўлган ҳар қандай юк Россия ҳарбийлари учун қонуний нишонга айланади.
Унинг сўзларига кўра, АҚШ ва Шимолий Атлантика альянси можарода бевосита иштирок этмоқда, жумладан, нафақат қурол-яроғ етказиб бериш, балки Буюк Британия, Германия, Италия ва бошқа мамлакатларда кадрлар тайёрлаш билан ҳам шуғулланиш орқали можарода қатнашмоқда.
Кремлнинг таъкидлашича, Украинани Ғарб қуроллари билан таъминлаш музокараларга салбий таъсир кўрсатади.
Ўтган пайшанба куни Владимир Путин фуқароларга мурожаат қилди. Унинг сўзларига кўра, Москва Украина Қуролли Кучларининг Курск ва Брянск вилоятларидаги нишонларга Америка ва Буюк Британиянинг узоқ масофали ATACMS ва Storm Shadow ракеталари билан берган зарбаларига жавобан, энг янги ўрта масофали ракета тизимларидан бири “Орешник”ни синовдан ўтказган.
Россия ҳарбийлари Днепропетровскдаги ракеталар ва бошқа қуролларни ишлаб чиқарадиган йирик саноат мажмуасига ядросиз гипертовушли баллистик ракета билан ҳужум уюштирди, дея хабар берди Мудофаа вазирлиги.
Изоҳ (0)