Афинада минглаб одамлар НАТО бош котиби Марк Рюттенинг ташрифига қарши намойишга чиқди, деб хабар беради “РИА Новости”.
“Греция урушдан чиқди! АҚШ ва НАТО базаларини ёпинг! Мамлакат ташқарисидаги ҳарбий миссияларни тўхтатинг! Зеленский режимига ҳар қандай ҳарбий ёрдамни тўхтатинг! Террорчи Исроил давлатини қўллаб-қувватламанг! Халқларнинг қотилларига ер ва сув берилмасин! Қирғинда иштирок этилмасин”, дея ҳайқирди намойишчилар.
Митинг Греция Коммунистик партияси ва коммунистик ёшлари томонидан ўтказилмоқда.
Рюттенинг келиши ва НАТОга қарши намойишлар туфайли Афина марказига полиция кучлари жалб этилди. Греция Ташқи ишлар вазирлиги биносига яқинлашиш ва ҳукумат қароргоҳи – Максим саройига йўл полиция автобуслари томонидан тўсиб қўйилди.
Туркиядан Грецияга ташриф буюрган НАТО Бош котиби Греция бош вазири Кириакос Мицотакис, ТИВ раҳбари Гиоргос Герапетритис ва Мудофаа вазири Никос Дендиас билан учрашди. Улар Украина ва минтақадаги вазият, альянс олдида турган умумий муаммолар, Европа мудофаа мухторияти ва иммиграцияни мустаҳкамлаш, Греция-Туркия мулоқотини муҳокама қилиши кутилмоқда.
“Митинг халқларни янги урушга тортаётган Евро-Атлантика иттифоқи раҳбари учун энг яхши “усул”дир. Рюттенинг лавозимга келганидан сўнг ташрифини “тантанали” деб кўрсатишга уриниш кулгили ва провокациондир. Украинадан Яқин Шарққа уруш ноғоралари жаранглаб бораётган бир пайтда НАТО бош котибининг аъзо давлатга ташрифида “тантанали” ҳеч нарса йўқ”, дея митинг қатнашчилари барчани намойичга чорлади.
Коммунистик партиянинг қайд этишича, Рютте Афинада ҳукумат билан учрашар экан, НАТО-Украина қўмитаси Брюсселда “уруш жабҳасидаги жадал ўзгаришларни баҳолаш” ва глобал миқёсга таҳдид соладиган можарода кейинги қадамларни режалаштириш учун фавқулодда йиғилиш ўтказмоқда.
Изоҳ (0)