Россия ва Сурия ҳарбий самолётлари 28 ноябрь куни Суриянинг Туркия билан чегараси яқинидаги “Ҳаят Таҳрир аш-Шом” жиҳодчи гуруҳи назоратидаги шимоли-ғарбий ҳудудларни бомбардимон қилди.
Бу ҳақда Сурия президенти Башар Асад қўшинлари назорати остидаги шимоли-ғарбий Ҳалаб вилоятининг ўнлаб шаҳар ва қишлоқларига ҳужумни бошлаган Сурия армияси ва “Ҳаят Таҳрир аш-Шом” гуруҳидаги манбалар хабар берди.
Мазкур зарбалар 2020 йилнинг март ойидан бери Россия ва Туркия ўт очишни тўхтатишга келишиб, Асад бошқарувига қарши бўлган миллионлаб сурияликларни ўз уйларини ташлаб кетишга мажбур қилган кўп йиллик урушларга чек қўйганидан бери энг катта зарба бўлди.
Сурия армияси кутилмаган кампания бошланганидан кейинги биринчи баёнотида гуруҳга катта талофатлар берганини маълум қилган.
Армия ўз мавқеини ва аввалги вазиятни тиклаш учун Россия ва номи ошкор этилмаган “дўст кучлар” билан ҳамкорлик қилаётганини айтган.
Сурия армиясидаги манбага кўра, исёнчилар Ҳалаб шаҳри чеккасидан қарийб 10 километр ва Ливан “Ҳизбуллоҳ”и назорат ўрнатган шиаларнинг икки шаҳарчаси Нубла ва Заҳра томон силжиган.
Исёнчилар Алеппо шарқидаги Ал-Найраб аэропортига ҳужум қилган.
Исёнчиларнинг айтишича, ушбу кампания сўнгги ҳафталарда Россия ва Сурия ҳарбий-ҳаво кучларининг Идлиб жанубидаги ҳудудларда тинч аҳолига ҳужумларининг кучайиши, шунингдек, Сурия армиясининг ҳар қандай ҳужумларини олдини олиш мақсадида ташкил этилган.
Эрон давлат матбуоти Инқилобий гвардия бригадаси генерали, Эроннинг Суриядаги ҳарбий маслаҳатчиси бўлган Киумарс Пурҳашимийнинг Алеппода исёнчилар томонидан ўлдирилгани ҳақида хабар берди.
Туркия хавфсизлик манбалари исёнчилар ҳаракати Россия, Эрон ва Туркия томонидан 2019 йилда исёнчилар ва ҳукумат кучлари ўртасидаги жанговар ҳаракатларни камайтириш учун келишилган Идлибдаги деескалация зонаси ичида эканлигини айтган. Туркия Мудофаа вазирлигидаги манбага кўра, Туркия Сурия шимолидаги ўзгаришларни диққат билан кузатиб боради ва турк қўшинларининг хавфсизлигини таъминлаш учун эҳтиёт чораларини кўрган.
АҚШ ва Туркия томонидан террорчи ташкилотлар рўйхатига киритилган “Ҳаят Таҳрир аш-Шом” узоқ вақтдан бери Сурия ҳукумати ва Россия кучлари томонидан ҳужумга учраб келмоқда.
Изоҳ (0)